اولمپک فٹبال کوالیفائرز: پہلے میچ میں پاکستان ویمن ٹیم کو 0-4 سے شکست

(ویب ڈیسک) ایشین فٹبال کنفیڈریشن (اے ایف سی) اولمپک 2024ء ویمنز کوالیفائرز کے پہلے میچ میں فلپائن نے پاکستان کو 0-4 سے شکست دے دی۔

میچ کا پہلا ہاف پاکستانی ٹیم کیلئے تباہ کن ثابت ہوا جب محض 8 منٹ کے کھیل میں مخالف کھلاڑیوں نے 3 گول اسکور کر ڈالے۔

میچ کے دوسرے ہاف میں پاکستانی ٹیم نے مخالف کو مزید ایک گول کرنے کا موقع دیا اور خود کوئی گول نہ کرسکی۔

تاجکستان کے ہسور سینٹرل اسٹیڈیم میں گروپ ای کے کھیلے جانے والے میچ میں فلپائن کی کھلاڑیوں نے پاکستانی ٹیم کو بھرپور دباؤ میں رکھا اور پہلے ہاف میں ہی 3 گول کرکے اسے شدید دباؤ کا شکار کردیا۔

FT: ???????? Philippines 4️⃣-0️⃣ Pakistan ????????

Philippines outclass Pakistan in their Women’s Olympic Qualifiers Round 1 opener in Group E! pic.twitter.com/bjN0E4HCLw

— #AsianCup2023 (@afcasiancup) April 5, 2023

دوسرے ہاف میں فلپائن کی ٹیم نے مزید ایک گول کرکے برتری 0-4 کر ڈالی۔

خیال رہے کہ فلپائن کی عالمی رینکنگ 49 جبکہ پاکستان کی 161 ہے۔

پاکستان ویمنز ٹیم اپنی مہم کا دوسرا مقابلہ ہانگ کانگ اور تیسرا تاجکستان سے بالترتیب 8 اور 11 اپریل کو کرے گی۔