ن لیگ ہی ملکی ترقی و استحکام کی ضامن جماعت ہے،کیئل داس کوہستانی

(کامران کورائی)وزیر مملکت برائے اقلیتی اورکیئل داس کوہستانی نے کہا ہے کہ مسلم لیگ ن ہی ملک کی ترقی و استحکام کی ضامن جماعت ہے،پاکستان کبھی اسرائیل کو تسلیم نہیں کرے گا،

مسلم لیگ ن کے رہنما و وزیر مملکت برائے اقلیتی مذہبی امور کیئل داس کوہستانی کی دادو آمدہوئی،حکومتِی ترجمان راجا خلیق الزمان انصاری بھی وزیر کے ہمراہ پہنچے۔کیئل داس کوہستانی کی مسلم لیگ ن سندھ کی رہنما زاہدہ بہنڈ کی رہائش گاہ آمدپرپرتپاک استقبال کیاگیا۔

کیئل داس کوہستانی نے زاہدہ بہنڈ کی رہائش گاہ پر پریس کانفرنس کرتے ہوئے کہاکہ مسلم لیگ ن ہی ملک کی ترقی و استحکام کی ضامن جماعت ہے،پاکستان کبھی اسرائیل کو تسلیم نہیں کرے گا، ان کاکہناتھا کہ مسلم لیگ ن عوامی خوشحالی کیلئے دن رات کوشاں ہے، پارٹی قیادت عوامی مسائل کے حل کیلئے سنجیدہ اقدامات کر رہی ہے۔ 

یہ بھی پڑھیں:ڈیلیوری بوائے کے ہراساں کرنے پر خاتون نے ویڈیو وائرل کردی، کمپنی نے زور دار جھٹکا دیدیا

کیئل داس کوہستانی نے عوام کو مسلم لیگ ن کے منشور پر اعتماد رکھنے کی اپیل کرتے ہوئے کہاکہ مسلم لیگ ن ہی واحد جماعت ہے جو ملک کو بحرانوں سے نکال سکتی ہے۔ان کاکہناتھا کہ اقلیتوں کے حقوق کا مکمل تحفظ مسلم لیگ ن کی ترجیح ہے۔پاکستان کا آئین تمام مذاہب کے پیروکاروں کو برابر حقوق دیتا ہے۔ مسلم لیگ ن ملک کو ترقی کی راہ پر گامزن رکھے گی۔

ترجمان حکومت پاکستان راجا خلیق الزمان انصاری نے بھی خطاب کرتے ہوئے کہاکہ مسلم لیگ ن عوامی خدمت کی سیاست پر یقین رکھتی ہے۔

یہ بھی پڑھیں:تیز ہواؤں /آندھی اور گرج چمک کیساتھ بارش ، محکمہ موسمیات کی اہم پیش گوئی