بلوچستان میں زلزلے کے جھٹکے، شدت 3 اعشاریہ صفر ریکارڈ کی گئی

(24 نیوز)بلوچستان کے مختلف علاقوں میں زلزلے کے جھٹکے محسوس کیے گئے، جس سے شہریوں میں کچھ دیر کے لیے خوف و ہراس پھیل گیا۔

زلزلہ پیما مرکز کے مطابق ریکٹر اسکیل پر زلزلے کی شدت 3.0 ریکارڈ کی گئی، جبکہ اس کی گہرائی 10 کلومیٹر تھی۔

زلزلہ پیما مرکز نے بتایا کہ زلزلے کا مرکز چمن کے قریب واقع تھا۔ ابتدائی اطلاعات کے مطابق کسی جانی یا مالی نقصان کی اطلاع موصول نہیں ہوئی۔

یہ بھی پڑھیں :پنجاب میں را کا خطرناک  دہشتگرد گرفتار  ہو گیا