قطر میں ائیرکنڈیشنڈ جاگنگ ٹریک جلد عوام کے لئے کھولنے کا اعلان

 (ویب ڈیسک)خلیجی ملک قطر نے رودت الحامہ میں ایئرکنڈیشنڈ جاگنگ ٹریک جلد عوام کے لئے کھولنے کا اعلان کردیا ہے،اس جاگنگ ٹریکس کے ساتھ ایک بڑا پبلک پارک بھی ہوگا۔
میڈیارپورٹس کے مطابق قطر میں سڑکوں اور عوامی مقامات کی خوب صورتی کی نگران کمیٹی کے پراجیکٹ منیجر جاسم عبدالرحمان فخرو کا کہنا تھا کہ رودت الحمامہ پبلک پارک ایک مرکزی پارک ہوگا جو بہت بڑے علاقے پر تیار کیا جا رہا ہے اس سے آس پاس کے علاقوں کے لوگ مستفید ہوں گے۔اس پارک میں ایئر کنڈیشنڈ جاگنگ ٹریکس ہوں گے، اس میں قطری ماحول کے بہت سے درختوں کے ساتھ بڑی سبز جگہیں ہوں گی، گاڑیوں کی ایک بڑی تعداد کے لئے پارکنگ بھی مختص کی گئی ہے۔اس پارک میں بچوں کے کھیلنے کے لئے میدان بھی ہوں گے، یہ پارک ایک بڑا پارک ہو گا۔پراجیکٹ منیجر کا کہنا تھا کہ قطر میں متعد پارکس موجود ہیں جن میں ہر عمر کے افراد کے لئے جاگنگ ٹریکس اور دیگر سہولیات کے ساتھ فٹنس آلات بھی موجود ہیں۔

یہ بھی پڑھیں: اہم شخصیت کی عہدے سے چھٹی