شادی کو یاد گار بنانے کیلئے باراتیوں کا انوکھا انداز،ویڈیو وائرل

(ویب ڈیسک )شادی کا موقع زندگی میں ایک بار ہی آتا ہے اس لیے ہر ایک کی خواہش ہوتی ہے کہ اس موقعے کو یاد گار بنانے کے لیے بہتر سے بہتر انداز میں منائیں۔ایک شہر سے دوسرے شہر جانے والے باراتیوں کے قصے سنے تو ہمیشہ بس یا ریل گاڑی کا ذکر ہی سنا ہوگا، لیکن سوشل میڈیا پر وائرل ہونے والی ویڈیو میں منچلے باراتیوں نے پورا جہاز ہی بُک کروالیا۔ایسے میں بارات ایک شہر سے دوسرے شہر جائے تو نہ صرف شادی کا مزہ دوبالا ہوجاتا ہے بلکہ مدتوں اس کی یادیں تازہ رہتی ہیں۔

سوشل میڈیا  پلیٹ فارم انسٹاگرام پر شریا شاہ نامی ایک  صارف نے ویڈیو شیئر کی جس میں دیکھا جاسکتا ہے کہ انہوں نے اپنی بہن کی شادی کے لیے پورا جہاز بُک کر لیا ہے۔اسی ویڈیو کے اگلے منظر میں جہاز کے اندر کے مناظر دکھائی دیتے ہیں، جس میں تمام رشتہ دار ہاتھ لہراتے اور خوشی مناتے ہوئے دکھائی دیتے ہیں، اور ویڈیو کے آخری میں دلہن اور دولہا کو دِکھایا جاتا ہے۔

View this post on Instagram

A post shared by Shreya Shah | Content Creator (@shreyaa_shaah)

یہ ویڈیو دو دن پہلے شیئر کی گئی تھی، جسے اب تک 9 لاکھ سے زائد بار دیکھا اور 7 لاکھ سے زائد بار پسند کیا جاچکا ہے۔

اس ویڈیو کے کمنٹس میں صارفین دلچسپ تبصرے کرتے ہوئے اتنے ہی امیر ہونے کی خواہش کا اظہار کر رہے ہیں کہ وہ بھی فیملی فنکشن کے لیے جہاز بُک کرواسکیں۔