نومنتخب وزیرِ اعظم شہباز شریف پر اسد عمر کا طنز

(24نیوز) سابق وفاقی وزیر اسد عمر نے پاکستان مسلم لیگ ن کے صدر میاں محمد شہباز شریف کا پاکستان کے نئے وزیراعظم منتخب ہونے پر طنزیہ بیان جاری کردیا۔

اسد عمر نے سماجی رابطے کی ویب سائٹ ایکس پر جاری پیغام میں لکھا کہ شہباز شریف ایک مرتبہ پھر واپس آگئے ہیں اور اسی کے ساتھ انہوں نے منصفانہ طور پر وزیرِ اعظم بننے کی اہلیت کھودی ہے۔

So @CMShehbaz is back as PM. However, he lacks credibility of being a fairly elected PM. He is also carrying baggage of 16 months of disastrous performance in his previous stint, so the odds are stacked against his success. If he wants a new start, he should start by dropping…

— Asad Umar (@Asad_Umar) March 3, 2024

اُن کا کہنا تھا کہ وہ پہلے ہی ماضی میں وزیرِ اعظم بننے کے دوران 16 ماہ پر مشتمل تباہ کن کاکردگی کا بوجھ اپنے کندھوں پر اٹھائے ہوئے تھے اور ماضی کی ناکامی ان کی آئندہ پرفارمنس اور ایک مرتبہ پھر ناکام ہونے کا ثبوت ہے۔

اپنے پیغام میں اسد عمر کا شہباز شریف کو کامیابی سے نئے منصب کو چلانے کیلئے مشورہ دیتے ہوئے کہنا تھا کہ اگر وہ چاہتے ہیں کہ اس مرتبہ کامیابی سے اپنے فرائض سرانجام دیں تو انہیں تمام سیاسی اختلافات کو بھلانے ہوگے اور سیاست کے سبب جیلوں میں ڈالے گئے لوگوں کو بھی آزاد کرنا ہوگا۔

مزید پڑھیں:  سابق وزیراعلیٰ پرویز الٰہی دہشت گردی کے تین مقدمات میں نامزد 

واضح رہے کہ اسپیکر قومی اسمبلی نے  آج  3 مارچ کو منعقدہ اجلاس میں شہباز شریف کو ایوان میں 201 ووٹ ملے جس کے بعد وہ پاکستان کے 24 ویں وزیراعظم منتخب ہوگئے۔ شہباز شریف کل 4 مارچ کو وزیر اعظم پاکستان کا حلف لیں گے۔