پاکستانی کاروباری شخصیت فراز خان کا اعزاز

(ویب ڈیسک )کراچی میں قائم وینچر کیپیٹلسٹ فرم SEED Ventures کے بانی اور ڈائریکٹر فراز خان کو برطانیہ کے بادشاہ چارلس III نے ممبر آف دی موسٹ ایکسیلنٹ آرڈر آف دی برٹش ایمپائر (MBE) سے نوازدیا۔ان کو ایم بی ای  آرٹس، سائنسز، خیراتی ، فلاحی کاموں اور عوامی خدمت میں شراکت کے اعتراف میں دیا گیا ۔

تفصیلات کے مطابق پاکستانی کاروباری شخصیت فراز خان کو پاکستان اور برطانیہ کے تعلقات کو مضبوط بنانے کے اعتراف میں ایم بی ای سے نوازا گیا ہے۔فراز  خان کراچی یونیورسٹی اور لنکن یونیورسٹی سے گریجویٹ ہیں۔ فراز خان سرمایہ کاری کے ماہر، مصنف، اور عوامی اسپیکر  ہیں ، ان خدمات میں ان کے پاس25 سال سے زیادہ کا تجربہ ہے۔انہوں نے 2009 میں سوشل، انٹرپرینیورشپ، اور ایکویٹی ڈویلپمنٹ (SEED) وینچرز کی بنیاد رکھی۔ SEED وینچرز نے روپے کی تجارتی اور   100 ملین کی متاثر کرن سرمایہ کاری کی ہے۔

فراز نے مقامی اور بین الاقوامی پبلک اور پرائیویٹ ڈویلپمنٹ، میڈیا، اکیڈمک اور مالیاتی کمپنیوں کے ساتھ شراکت داری کی ،انہوں نے  ان سر گرمیوں کے ذریعے ملٹی ملین ڈالرزکے فنڈز اکٹھے کیے ہیں۔انہوں نے پاکستان اور برطانیہ کے درمیان نوجوانوں، خواتین اور پسماندہ طبقات کے لیے جامع تعلیم، انٹرپرائز، اور سوشل انٹرپرائز کے شعبوں میں اثرات کے پروگراموں کی قیادت کی، جس سے ایک لاکھ سے زائد افراد کی زندگیاں بدل گئیں ۔