8 فروری کو ن لیگ گوجرانوالہ کی تمام 20 سیٹیں جیتے گی، مریم نواز
Stay tuned with 24 News HD Android App
(24 نیوز) پاکستان مسلم لیگ ن کی چیف آرگنائزر مریم نواز نے دعویٰ کیا ہے کہ 8 فروری کو گوجرانوالہ میں کلین سویپ کریں گے اور یہاں سے پوری 20 سیٹیں جیتیں گے۔
گوجرانوالہ میں جلسے سے خطاب میں چیف آرگنائزر مسلم لیگ ن مریم نواز نے کہا کہ اس شہر کے عوام نے مشکل وقت میں بھی ساتھ نہیں چھوڑا۔ پاکستان میں وائرل بیماری آگئی تھی جو پانچ سات سال رہی اور عوام کا بہت نقصان کرگئی۔
کسی نے آپ سے جھوٹا وعدہ کیا تھا کہ 1 کروڑ نوکریاں دونگا ، نہیں دیں، لیکن میں آج گوجرانوالہ کے اس میدان کو گواہ بنا کر کہتی ہوں کہ اگر نوازشریف نے آپ سے وعدہ کیا ہے کہ 1 کروڑ نوکریاں دے گا تو انشاءاللہ دے گا۔کسی نے کہا 50 لاکھ گھر دونگا 1 گھر بھی نہیں دیا لیکن نوازشریف نے اگر آپ… pic.twitter.com/hy89xwxdON
— PMLN (@pmln_org) February 3, 2024
انہوں نے کہا جو لانگ مارچ لائے تھے وہ گوجرانوالہ سے بھاگ گئے۔ پانچ برس تک وائرل رہنے والی بیماری کو بھی گوجرانوالہ نے ہی مار بھگایا۔ کسی نے پچاس لاکھ گھر کا وعدہ کیا تھا اور ایک گھر بھی نہیں دیا۔ نواز شریف نے پچاس لاکھ گھروں کا وعدہ کیا ہے تو ضرور دے گا۔
مریم نواز نے کہا کہ 9 فروری کا سورج پاکستان کی ترقی کی نوید لیکر طلوع ہوگا۔ انتقام کی سیاست ختم کرکے ترقی کا سفر شروع کریں گے۔ نواز شریف چوتھی بار پاکستان کے وزیراعظم بنیں گے۔