امریکی ڈالر تاریخ کی بلند ترین سطح پر پہنچ گیا

 (24نیوز)ملکی کرنسی روپیہ بدترین گراوٹ کا شکار ، امریکی ڈالر تاریخ کی بلند ترین سطح پر پہنچ گیا۔

اوپن مارکیٹ میں امریکی ڈالر 1 روپیہ بڑھ گیا اور قیمت 179 روپے کی سطح پر پہنچ گئی ہے۔

دوسری طرف سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے آخری کاروباری روز کے دوران انٹر بینک میں روپے کے مقابلے میں امریکی ڈالر مزید 35 پیسے مہنگا ہو گیا اور قیمت 176 روپے 42 پیسے سے بڑھ کر 176 روپے 77 پیسے ہو گئی ہے۔

یہ بھی پڑھیں:موبائل فون صارفین کے لئے بری خبر۔۔ ٹیکس بڑھانے کا اعلان

 معاشی ماہرین کا کہنا ہے کہ ملک کرنسی بدترین گراوٹ کا شکار ہے، اس وقت فوری طور پر ملکی کرنسی کی بہتری کی امید عالمی مالیاتی ادارے (آئی ایم ایف) کی طرف سے ملنے والی ایک ارب ڈالر سے زائد کی قسط اور سعودی عرب کی طرف سے اربوں ڈالرز کا قرض ہےکیونکہ ملک بھر میں ریکارڈ تجارتی خسارہ کے باعث روپیہ دباؤ کا شکار ہے۔  یہ بھی پڑھیں:اسٹاک مارکیٹ زمین بوس