تیسرا ٹی ٹوئنٹی: پاکستان نے آسٹریلیا کو شکست دیکر 7 سال بعد ٹی ٹوئنٹی سیریز میں کلین سوئپ کرلیا
Stay tuned with 24 News HD Android App
( 24 نیوز) پاکستان نے آسٹریلیا کو شکست دیکر 7 سال بعد ٹی ٹوئنٹی سیریز میں کلین سوئپ کرلیا ہے۔
پاکستان نے 3 ٹی ٹوئنٹی میچوں کی سیریز کے آخری میچ میں آسٹریلیا کو جیت کے لیے 208 رنز کا ہدف دے دیا، پاکستان کو تین میچز کی سیریز میں 0-2 کی برتری حاصل ہے۔
لاہور کے قذافی اسٹیڈیم میں کھیلے جارہے میچ میں تیسرے ٹی ٹوئنٹی میں پاکستان نے آسٹریلیا کے خلاف ٹاس جیت کر بیٹنگ کا فیصلہ کیا ۔
پاکستان نے پہلے کھیلتے ہوئے مقررہ 20 اوورز میں 6 وکٹ کے نقصان پر 207 رنز بنائے جو کہ آسٹریلیا کے خلاف ٹی ٹوئنٹی میں پاکستان کا سب سے بڑا سکور ہے۔
پاکستان کی جانب سے فخر زمان نے 10، صائم ایوب نے 50، کپتان سلمان علی آغا نے 5، اور خواجہ نافع نے 21 رنز اسکور کیے۔ ان کے علاوہ بابر اعظم نے 50 اور شاداب خان نے 46 رنز بنائے،آسٹریلیا کی جانب سے بین وارشوس نے 2 کھلاڑیوں کو آؤٹ کیا۔
ٹاس کے موقع پر کپتان سلمان آغا نے کہا کہ پاکستان ٹیم میں تین تبدیلیاں ہیں، فخر زمان ، خواجہ نافع اور شاہین آفریدی کو فائنل الیون میں شامل کیا گیا ہے۔
یہ بھی پڑھیں:ورلڈکپ میں زیادہ رنز کون سکور کرے گا؟رکی پونٹنگ نےحیران کن نام بتا دیا