کورونا پر بننے والی شارٹ فلم نے دنیا بھر میں پاکستان کا نام روشن کر دیا

 (ما نیٹرنگ ڈیسک)کورونا پر بننے والی پاکستانی شارٹ فلم نے دنیا بھر میں پاکستان کا نام روشن کر دیا۔’مختارا‘ ہالی وڈ فلم فیسٹیول اسٹالن کے لیے نامزد ہو گئی۔ ایوارڈ تقریب اگلے ماہ امریکہ میں منعقد ہوگی۔

اس ایوارڈ کے لیے دنیا بھر کے120 ملکوں میں بننے والی 750 سے زائد فلموں نے حصہ لیاجس میں سے 80 فلموں کو اس فیسٹیول کے لیے نام زد کیا گیا۔ جب کہ مختصر فلموں کی کیٹیگری میں صرف4 فلموں کو منتخب کیا گیا جس میں سے ایک کینیڈا، 2 بھارت اور ایک پاکستانی فلم ’مختارا‘ شامل ہے۔

اس فلم کے پروڈیوسر صاحب احمد نے اپنی مدد آپ کے تحت مختصر بجٹ میں نہ صرف یہ فلم پروڈیوس کی بلکہ اس میں اداکاری کے جوہر بھی دکھائے، فلم کی دیگر کاسٹ میں نئی اداکارہ ثمن شیخ، عباس رائے، جاوید اقبال اور صاحب احمد شامل ہیں-
یہ بھی پڑھیں:اترپردیش میں 10 سالہ بچے نے دسویں جماعت کا امتحان پاس کرلیا