جیل میں ڈاکٹروں نے پتھری کا بتایا، آپریشن کیلئے ہسپتال میں ہوں، شاہ محمود

(24نیوز)پاکستان تحریک انصاف (پی ٹی آئی) کے وائس چیئرمین شاہ محمود قریشی نے کہا ہے کہ اڈیالہ جیل میں ڈاکٹروں نے بتایا تھا کہ آپ کے پتے میں پتھری ہے۔ سرجری کرانے کیلئے ہسپتال میں ایڈمٹ ہوا ہوں۔

لاہور کے ہسپتال میں میڈیا سے گفتگو کرتے ہوئے شاہ محمود قریشی نے کہا کہ اب پتھری بڑی ہوگئی تھی جس کی وجہ سے انفیکشن پھیلنے کا خدشہ تھا۔ 

پی ٹی آئی رہنما نے مزید کہا کہ ڈاکٹر نے سرجری کرانے کی ہدایت کی ہے جس کے لیے ہسپتال میں ایڈمٹ ہوا ہوں۔ 

انکا کہنا تھا کہ ابھی میڈیکل ٹیسٹ جاری ہیں ایک دو دن میں آپریشن ہونا ہے، اللہ جانتا ہے میں بے گناہ قید ہوں، وہی باہر نکلنے کا سبب بنائے گا۔

یہ بھی پڑھیں:حکومت کا عوام کو ایک اور ریلیف، گیس کی قیمت میں بڑی کمی کردی