امریکی حکمران اشرافیہ مقدس سر زمین پر افراتفری چاہتی ہے،روسی صدر

(ویب ڈیسک)روسی صدر ولادیمیر پیوٹن نے الزام عائد کیا  کہ فلسطینیوں کے قتل عام کے پیچھے امریکی حکمران اشرافیہ اور ان کے ساتھی ہیں، امریکی حکمران اشرافیہ مقدس سر زمین پر افراتفری چاہتی ہے۔

غیر ملکی میڈیا رپورٹس کے مطابق روسی صدر پیوٹن کا کہنا تھا کہ  مشرق وسطیٰ ، یوکرین ، عراق اور شام کے واقعات کے پیچھے بھی امریکی حکمران اشرافیہ اور ان کے ساتھی ہیں، فلسطینیوں کی مدد ان لوگوں سے لڑکر کی جاسکتی ہے جو اس تنازع کے پیچھے ہیں، ہم ان لوگوں سے یوکرین میں لڑ رہے ہیں۔

خیال رہے کہ غزہ میں اسرائیلی فوج کی جانب سے فضائی بمباری کے ساتھ ساتھ زمینی جارحیت کا سلسلہ بھی جاری ہے،فلسطینی وزارت صحت کے مطابق 7 اکتوبر سے اب تک اسرائیلی جارحیت کے نتیجے میں 8 ہزار 306 فلسطینی شہید ہو چکے ہیں جن میں 3457 بچے بھی شامل ہیں۔

یہ بھی پڑھیں: عدالت میں قہقہے لگ گئے