پاک بحریہ کا کامیاب آپریشن،شمالی بحیرہ عرب میں پھنسے ماہی گیروں کو بچا لیا 

(24نیوز)پاک بحریہ کا کامیاب آپریشن،شمالی بحیرہ عرب میں پھنسے ماہی گیروں کو بچا لیا ۔

پاک بحریہ کے جہاز پی این ایس تیمورنے شمالی بحیرۂ عرب میں پھنسی ماہی گیرکشتی کو بچانے کیلئے کامیاب ریسکیو آپریشن کیا ، آپریشن  کے دوران سمندر میں پھنسے19ماہی گیروں کوبھی بحفاظت ریسکیو کیا۔

Pakistan Navy successfully rescued fishing vessel AL JALALI, stranded about 120 NM south of Gwadar after engine failure. The rescue operation, coordinated through JMICC, ensured the safety of all 19 crew members, including 11 Pakistanis and 8 Iranians. 1/2 pic.twitter.com/RWg5yqTlUj

— DGPR (Navy) (@dgprPaknavy) July 30, 2026

ماہی گیرکشتی گوادرسے تقریباً 120 ناٹیکل میل جنوب میں انجن کی خرابی کے باعث پھنس گئی تھی،کشتی پرسوارعملے کے تمام 19افراد  جن میں11 پاکستانی اور8 ایرانی شہری شامل تھے کو بحفاظت بچا لیا گیا۔

جوائنٹ میری ٹائم انفارمیشن کوآرڈی نیشن سینٹرنے سرچ اینڈریسکیوآپریشن کیلئے پاک بحریہ سے رابطہ کیا تھا،پاک بحریہ کے جوانوں نے کشتی کےعملے کو سمندر میں خوراک، پینے کا پانی اورطبی امداد فراہم کی۔

یہ بھی پڑھیں:پیپلز پارٹی امیدواروں کوان کی نشستیں اسمبلی اجلاس سےپہلےدلواؤں گا:بلاول بھٹوکااعلان

سمندر میں انجن کی خرابی کے باعث پھنسی ہوئی کشتی کو پاک بحریہ نے بحفاظت ساحل تک منتقل کیا، کامیاب ریسکیو آپریشن سمندر میں انسانی جانوں کے تحفظ کیلئے پاک بحریہ کے عزم اور ہمہ وقت تیاری کا مظہر ہے۔