عجیب الخلقت بکری کے بچے کی پیدائش، تصویر وائرل

 (مانیٹرنگ ڈیسک)بھارت میں اپنی نوعیت کا عجیب وغریب واقعہ پیش آیا جہاں  انسانی شکل سے مشابہت رکھنے والے بکری کا بچہ صرف دو ٹانگوں کے ساتھ بغیر دم کے پیدا ہوا،اس واقعے  نے سب کو حیرت اور خوف میں مبتلا کردیا۔

بھارتی میڈیا کے مطابق یہ واقعہ آسام کے گاؤں گنگاپور میں شنکر داس نامی شخص کے گھر پیش آیا جہاں اس کی بکری نے انسانی شکل سے مشابہت رکھنے والے بچے کو جنم دیا جس کی آنکھیں، ناک اور منہ کے خدوخال انسانی شکل سے ملتے جلتے ہیں تاہم اس بچے کے کان بکری کی طرح ہیں۔

رپورٹ میں بتایا گیا ہے کہ بکری کا بچہ صرف دو ٹانگوں کے ساتھ اور بغیر دم کے پیدا ہوا ہے۔بکری کے مالک کا کہنا تھا کہ اس کی بکری نے دو بچے دیے جن میں سے ایک بچہ صحت مند اور دوسرا عجیب وغریب ساخت کے ساتھ پیدا ہوا۔

عجیب و غریب ساخت والے بچے کی پیدائش پر بکری کے مالک کے ہاں بچے کو دیکھنے آنے والوں کا تانتا بندھ گیا۔

یہ بھی پڑھیں:    یہ فیس ماسک ہے یا کوئی فلٹر۔۔۔سارہ خان نے مداحوں کو شش و پنج میں ڈال دیا