شاہد آفریدی اور سہیل خان کی ائرپورٹ پر دلچسپ ملاقات، ویڈیو وائرل
Stay tuned with 24 News HD Android App
(ویب ڈیسک) ایشیا کپ سے قبل پاکستان کرکٹ کے لیجنڈری کھلاڑی شاہد آفریدی اوربھارتی اداکارسہیل خان کے ائرپورٹ پر ملاقات کی ویڈیو سوشل میڈیا پر وائرل ہو رہی ہے۔
فی الوقت شاہد آفریدی یو ایس ماسٹرز ٹی 10 لیگ میں ”نیو یارک واریئرز“ کے کھلاڑی ہیں ’’دی ٹیکساس چارجرز“ نے سپر اوور میں مقابلہ جیتا تھا جبکہ کرکٹ اسٹار کی فرنچائز پہلے سیزن میں فائنلسٹ تھی۔
View this post on Instagram
شاہد آفریدی اور سہیل خان کی ملاقات ٹورنامنٹ کے اختتام کے بعد ائرپورٹ پر ہوئی۔ شاہد آفریدی نے اس ملاقات کی ویڈیو اپنے سوشل میڈیا اکاؤنٹ انسٹاگرام پر پوسٹ کی ہے۔
View this post on Instagram
شاہد آفریدی نے ویڈیو کے کیپشن میں لکھا، ’گزشتہ 40 دن سے ٹورنامنٹ اور شاہد آفریدی فاؤنڈیشن کے عطیات ایونٹس کی وجہ سے امریکہ اور کینیڈا کا سفر کر رہا ہوں اور پاکستان کو یاد کر رہا ہوں مگر ایک بات یقینی طور پر کہہ سکتا ہوں کہ کھیل، خاص طور پر کرکٹ سے زیادہ کوئی بھی چیز لوگوں کو متحد نہیں کرتی، اس کھیل سے پیار ہے۔‘
مزید پڑھیں: بجلی مہنگی، فنکار بھی برس پڑے
ویڈیو میں شاہد آفریدی اور سہیل خان کو ایک دوسرے کو مبارکباد دیتے ہوئے دیکھا جا سکتا ہے۔
واضح رہے کہ 30 اگست سے شروع ہونے والے ایشیا کپ کے میچز کی میزبانی سری لنکا اور پاکستان کریں گے، پہلا میچ ملتان میں ہوگا جس میں پاکستان اور نیپال کی ٹیمیں آمنے سامنے ہوں گی۔