پاکستان کی بنگلادیش کو کراچی پورٹ کے استعمال کی پیشکش

(24نیوز)پاکستان نے بنگلادیش کو کراچی پورٹ ٹرسٹ کے استعمال کی پیشکش کردی۔

20 سال بعد پاک بنگلادیش نواں جوائنٹ اکنامک کمیشن کا اجلاس ہوا جس کی صدارت وزیر پیٹرولیم علی پرویز ملک اور بنگلادیش کے مشیر خزانہ ڈاکٹر صالح نے مشترکہ کی، دونوں ممالک کی قومی شپنگ کارپوریشنز کے درمیان تعاون بڑھانے پر زور دیا۔

اعلامیے کے مطابق کراچی پورٹ کے ذریعے بنگلادیش، چین، وسطی ایشیا سمیت علاقائی ممالک سے تجارت کرسکے گا،

اعلامیے میں کہا گیا کہ دونوں ملکوں میں ڈائریکٹ فلائٹس شروع کرنے کے لیے کام تیز کرنے پر اتفاق کیا۔

علاوہ ازیں پاکستان ہلال اتھارٹی اور بنگلادیش اسٹینڈرڈ اینڈ ٹیسٹنگ انسٹیٹیوٹ میں حلال ٹریڈ کے ایم او یو پر دستخط کیے، ایم او یو سے حلال مصنوعات کے معیار، سرٹیفکیشن میں تعاون بڑھانے کا راستہ ہموار ہوگا۔

اعلامیے کے مطابق اجلاس میں پاکستان بنگلادیش نالج کوریڈور کے قیام پر زور دیا گیا، نالج کوریڈور کے تحت بنگلادیشی طلبہ کے لیے 500 نئی فنڈڈ اسکالرشپس کی تجویز دی گئی۔

یہ بھی پڑھیں:خوفناک زلزلہ، متعدد عمارتیں گر گئیں

پاکستان ٹیکنیکل اسسٹنس پروگرام کے تحت تربیتی سیٹ کی تعداد 5 سے بڑھا کر 25 کردی گئی، تجارت، سرمایہ کاری، صنعت، توانائی، موسمیاتی تبدیلی اور آئی ٹی میں تعاون پر اتفاق کیا گیا۔

زراعت، ٹرانسپورٹ، تعلیم، بینکنگ، صحت، سیاحت، اطلاعات و نشریات، ٹیکسٹائل سیکٹر میں تعاون شامل ہے، طبی اور مذہبی سیاحت کے شعبون میں تعاون پر بھی اتفاق کیا گیا۔

وزیر پیٹرولیم علی پرویز ملک نے کہا کہ پاکستان بنگلادیش کی مہمان نوازی پر شکر گزار ہے، پاکستان اور بنگلادیش تعلقات باہمی احترام اور دوستی پر مبنی ہیں۔