ایک ماہ میں دوسرا افسوسناک واقعہ، 5 سالہ بچی کھلے نالے میں گر کر جاں بحق

(ویب ڈیسک) سندھ کے شہر حیدرآباد میں 5 سالہ بچی کھلے نالے میں گر کر جان کی بازی ہار گئی۔

یہ افسوسناک واقعہ بائی پاس ٹاؤن ہالا ناکہ میں پیش آیا، 5 سالہ بچی مریم کھلے نالے میں گر گئی جسے نکال کر سول ہسپتال منتقل کیا گیا، ہسپتال میں ڈاکٹروں نے اس کی موت کی تصدیق کر دی۔

خیال رہے کہ رواں ماہ میں حیدر آباد کے اندر بچوں کا کھلے نالوں میں ڈوب کر جاں بحق ہونے کا یہ دوسرا واقعہ ہے، چند روز قبل لطیف آباد کی مہر علی کالونی میں 3 سالہ بچی تالاب میں ڈوب کر جاں بحق ہوگئی تھی۔

یہ بھی پڑھیں:اسرائیل کا صومالی لینڈ کو آزاد ریاست کے طور پر تسلیم کرنے کا اعلان مسترد کرتے ہیں: پاکستان