معروف اداکار منیب بٹ خواجہ سرا کیوں بنے؟
Stay tuned with 24 News HD Android App
(ویب ڈیسک)اداکار منیب بٹ پہلی بار ٹی وی ڈرامے میں خواجہ سرا کے روپ میں دکھائی دیں گے۔
پاکستانی ڈرامہ انڈسٹری میں اداکاری کے جوہر دکھانے والے معروف اداکار منیب بٹ پہلی بار ایک خواجہ سرا کے روپ میں ٹی وی اسکرین پر نظر آئیں گے،اس حوالے سے اداکار نے تصدیق کی ہے کہ وہ جلد ہی ساتھی اداکارہ صبا قمر کے ساتھ ایک ڈرامے میں پہلی بار مخنث شخص کے روپ میں دکھائی دیں گے،اداکار نے انسٹاگرام پر پوسٹ کرتے ہوئے کہا کہ ڈرامے میں ان کے ہمراہ صبا قمر بھی ہوں گی اور وہ شوبز کیریئر میں پہلی بار ایک مشکل کردار ادا کرنے جا رہے ہیں۔
View this post on Instagram
اس حوالے سے اداکارہ صبا قمر نے بھی ڈرامے کے کردار کی جھلک شیئر کرتے ہوئے بتایا کہ وہ جلد ہی ایک منفرد موضوع پر بنائے گئے ڈرامے میں دکھائی دیں گی۔
ذرائع کے مطابق یہ ڈراما امریکی فلاحی تنظیم ’یو ایس ایڈ‘ کے تعاون سے بنایا جا رہا ہے اور اس کی کہانی نیٹ فلیکس یا دیگر اسٹریمنگ ویب سائٹ کی ویب سیریز کی طرح بولڈ اور منفرد ہوگی۔
View this post on Instagram
منیب بٹ کے مطابق ڈرامے میں ان کا کردار پیدائشی طور پر مخنث ہوتا ہے جو اعلیٰ تعلیم حاصل کرنے کے بعد سی ایس ایس کا اعلیٰ امتحان پاس کرکے اسسٹنٹ کمشنر تعینات ہوتا ہے۔
پہلی بار کسی ڈرامے میں مخںث شخص کو تعلیم حاصل کرکے اعلیٰ عہدے پر فائز ہوکر سماجی مسائل حل کرتے دکھایا جائے گا۔