جعلی راجکماری اپنی ریٹنگ بڑھانا چاہتی ہیں، فردوس عاشق
Stay tuned with 24 News HD Android App
(24نیوز)معاون خصوصی وزیراعلیٰ پنجاب ڈاکٹر فردوس عاشق اعوان نے مسلم لیگ نون کی نائب صدر مریم نواز کو آڑے ہاتھوں لیتے ہوئے کہا ہے کہ جعلی راجکماری کے نیب پیشی کی آڑ میں انتشار پھیلانے کے ارمان دم توڑ گئے۔
تفصیلات کے مطابق سوشل میڈیا پر جاری کیے گئے بیان میں ڈاکٹر فردوس عاشق نے کہا کہ مایوس راجکماری اداروں پر ہلہ بول کر اپنی ریٹنگ بڑھانا چاہتی ہیں۔فردوس عاشق نے کہا کہ پی ڈی ایم کے اختلافات ان کے گلےکی ہڈی بن چکے ہیں۔اُن کا مزید کہنا تھا کہ پی ڈی ایم کی آپسی لڑائی اس ٹولے کو ایکسپوز کرنے کے لیے کافی ہے۔