جب بھی مشکل پیش آتی ہے، اللہ سے رجوع کرتی ہوں:مہوش حیات

(24 نیوز )نامور پاکستانی اداکارہ مہوش حیات نے کہا ہے کہ انہیں جب بھی کوئی مشکل آتی ہے تو اللہ سے براہ راست رجوع کرتی ہوں،38 سالہ اداکارہ نے حال ہی میں مشکلات اور ذہنی دباؤ سے نمٹنے کے طریقوں پر کھل کر گفتگو کی۔

 انہوں نے کہا کہ اللہ تعالیٰ سے براہِ راست بات کرنا اور اس پر مکمل بھروسہ رکھنا انسان کو ذہنی وضاحت، باطنی طاقت اور دل کا سکون عطا کرتا ہے، مہوش حیات نے مزید کہا کہ یہ عمل انسان کو صبر اور اعتماد کے ساتھ چیلنجز کا سامنا کرنے میں مدد دیتا ہے، جس سے جذباتی مضبوطی اور روحانی نشوونما ہوتی ہے۔

اداکارہ کا کہنا تھا کہ ان کا یہ نقطہ نظر روزمرہ زندگی میں توازن اور سکون برقرار رکھنے کے لیے ایمان اور دل سے کی گئی دعا کی اہمیت کو اجاگر کرتا ہے اور دوسروں کو بھی روحانیت اور اعلیٰ طاقت پر یقین کے ذریعے طاقت حاصل کرنے کی ترغیب دیتا ہے۔

یہ بھی پڑھیں :پاکستان اور میانمار کے درمیان مفاہمتی یادداشت پر دستخط