یو اے ای کے صدر کا پاکستان پہنچنے پر شاندار استقبال،لڑاکا طیاروں نے فضائی سلامی دی

( اویس کیانی )متحدہ عرب امارات (یو اے ای) کے صدر شیخ محمد بن زاید النہیان پاکستان پہنچ گئے۔

برادر اسلامی ملک یو اے ای کے صدر کا پاکستان آمد پر شاندار اور تاریخی استقبال کیا گیا ہے۔

صدر متحدہ عرب امارات شیخ محمد بن زاید النہیان کی آمد پر پاک فضائیہ کے لڑاکا طیاروں نے فضائی سلامی دی۔

پاکستانی حدود میں داخل ہوتے ہی پاک فضائیہ کے لڑاکا طیاروں نے یو اے ای صدر کے طیارے کو حصار میں لے لیا تھا۔

یہ بھی پڑھیں:حکومت مخالف اہم شخصیت کو  گولیاں مار دی گئیں

یو اے ای کے صدر کا دورۂ پاکستان دونوں ممالک کے درمیان طویل المدتی برادرانہ ودیرینہ تعلقات کی عکاسی کرتا ہے۔

دفترِ خارجہ کی جانب سے جاری کیے گئے اعلامیے کے مطابق  متحدہ عرب امارات کے صدر کے ہمراہ وزراء اور سینئر حکام پر مشتمل اعلیٰ سطح کا وفد بھی موجود ہے، ان کے دورے کے دوران دوطرفہ تعلقات، خطے اور عالمی سطح کے باہمی دلچسپی امور پر تبادلہ خیال کیا جائے گا۔

UAE President Sheikh Mohamed bin Zayed Al Nahyan arrived in Pakistan today.

Prime Minister Shehbaz Sharif welcomed him, accompanied by senior officials.

His aircraft was escorted and honored with an aerial salute by Pakistan Air Force fighter jets.

Welcome ???????? pic.twitter.com/OerLDIBV9L

— Mohsin Ali (@Mohsin_o2) December 26, 2025

یو اے ای کے صدر کا یہ دورہ تجارت، سرمایہ کاری، توانائی، ترقی اور علاقائی استحکام کو مزید تقویت بخشے گا۔

واضح رہے کہ اس سے قبل پاکستان کی اعلیٰ سول و عسکری قیادت بھی دو طرفہ تعلقات اورمضبوط روابط کے لیے یو اے ای کا دورہ کر چکی ہے۔