اہلیہ جیا نے پہلے ہی بتا دیا تھا ، دھرمیندر سے زیادہ خوبصورت انڈسٹری میں کوئی نہیں: امیتابھ بچن کی ویڈیو وائرل

(24 نیوز)گزشتہ روز بالی وڈ کے لیجنڈری اداکار دھرمیندر 89 برس کی عمر میں رخصت ہوگئے تاہم ان  کی موت کے بعد ان سے متعلق خبریں، پوسٹ اور ان کے ماضی کے انٹرویوز تیزی سے سوشل میڈیا پر وائرل ہورہے ہیں۔

اسی دوران سوشل میڈیا پر امیتابھ بچن کے’ کون بنے گا کروڑ پتی شو‘  سے لی گئی  ایک ویڈیو کا کلپ وائرل ہے جس میں شو میں شریک  اداکار عامر خان بگ بی امیتابھ بچن سے سوال کررہے ہیں۔

دوران شو عامر خان نے امیتابھ بچن سے سوال کیا کہ جب جیا بچن کسی اور ہیرو کے ساتھ شوٹنگ پر جاتی تھیں تو وہ کون سا ہیرو تھا جس کا نام سن کر آپ کو تکلیف ہوتی تھی؟

View this post on Instagram

A post shared by Cine Sutra (@cinesutraa)

 عامر خان کے سوال پر امیتابھ کا کہنا تھا کہ ’مجھے کبھی تکلیف نہیں ہوئی۔

 مجھے جیا نے پہلے دن ہی بتا دیا تھا کہ دھرمیندر میرے پسندیدہ ہیں، ان سے زیادہ خوبصورت اداکار ہماری انڈسٹری میں کوئی نہیں ہے۔

مزید پڑھیں:یو ٹیوبر رجب بٹ کی’’ اووَر ایکٹنگ‘‘ وائرل