عامر خان جلدبیٹی کی عمر کی لڑکی سے شادی؟بھارتی اداکار نے راز فاش کردیا

(ویب ڈیسک) بھارتی اداکار اور فلموں پر تبصرہ کرنے والے کمال راشد  خان المعروف آر کے  نے  دعوی کیا ہے کہ " عامر خان جلد ہی فاطمہ ثناء شیخ سے شادی کرنے والے ہیں۔"

تفصیلات کے مطابق کمال راشد خان نے مائیکرو بلاگنگ ویب سائٹ ٹوئٹر پر عامر خان کے مداحوں کو ان کی تیسری شادی کے حوالے سے ایک تہلکہ خیز خبر دی ہے۔

اُنہوں نے اپنے ٹوئٹ میں لکھا کہ"عامر خان جلد ہی اپنی بیٹی کی عمر کی ساتھی اداکارہ فاطمہ ثنا شیخ سے شادی کرنے والے ہیں"۔

Breaking News:- Aamir Khan is going to get married with his daughter’s age Fatima Sana Shaikh soon. Aamir Khan is dating Sana from the time of their film #Dangal.

— KRK (@kamaalrkhan) May 25, 2023

  اُنہوں نے یہ دعویٰ بھی کیا کہ"عامر خان اس وقت سے فاطمہ ثنا شیخ کو ڈیٹ کررہے ہیں جب ان کی فلم’دنگل‘ کی شوٹنگ ہورہی تھی"۔

واضح رہے کہ فاطمہ ثنا شیخ نے عامر خان کے ساتھ فلم "دنگل" اور "ٹھگز آف ہندوستان" میں کام کیا تھا۔

بھارتی میڈیا پر اکثر ان دونوں اداکاروں کے درمیان قریبی تعلقات ہونے کے بارے میں خبریں گردش کرتی رہتی ہیں کچھ رپورٹس میں یہ دعویٰ بھی کیا گیا کہ" عامر خان اور کرن راؤ کے درمیان طلاق ہونے کی وجہ فاطمہ ثنا شیخ ہیں۔"

رپورٹس میں مزید یہ بھی کیا گیا کہ عامر خان اب فاطمہ ثنا شیخ سے تیسری شادی کرنے والے ہیں۔

لیکن اداکارہ فاطمہ ثنا شیخ نے اپنے ایک انٹرویو میں بھارتی میڈیا پر گردش کرنے والی ان تمام خبروں کی تردید کرتے ہوئے کہا کہ میں ایسی خبروں سے پہلے پریشان ہو جاتی تھی لیکن اب میں نے ان سے نمٹنا سیکھ لیا ہے۔

اُنہوں نے مزید کہا کہ "میں پہلے ایسے معاملات میں خود کو سمجھانے کی ضرورت محسوس کرتی تھی لیکن وقت کے ساتھ اب میرا انداز بدل گیا ہے۔"