انگلش ٹیم کو جھٹکا، فاسٹ بولر جوفرا آرچر ایشز سیریز سے باہر

(ویب ڈیسک )انگلینڈ کے فاسٹ بولر جوفرا آرچر بائیں جانب اسٹرین کے باعث آسٹریلیا کے خلاف آخری 2 ایشز ٹیسٹ سے باہر ہو گئے  جس کے بعد انگلینڈ کا مایوس کن دورہ مزید مشکلات کا شکار ہوگیا ہے۔

انگلش کرکٹ بورڈ کے مطابق فاسٹ بولر گس ایٹکنسن کو جوفرا آرچر کی جگہ ٹیم میں شامل کرلیا گیا ہے جب کہ بیٹنگ آل راؤنڈر جیکب بیتھل کو بھی ٹیم میں شامل کیا گیا ہے اور وہ نمبر 3 پر اولی پاپ کی جگہ بیٹنگ کریں گے۔

Jofra Archer will miss the rest of the series with a left side strain.

Get well soon, Jof! ???? pic.twitter.com/ejsX0M49sz

— England Cricket (@englandcricket) December 24, 2025

اولی پاپ کو خراب فارم کے باعث چوتھے ٹیسٹ سے ڈراپ کر دیا گیا ہے، اولی پوپ کی اس سیریز میں بہترین اننگز پرتھ ٹیسٹ میں 46 رنز رہی تاہم اوپنر بین ڈکٹ، کم رنز بنانے کے باوجود ٹیم میں اپنی جگہ برقرار رکھنے میں کامیاب رہے، بین ڈکٹ نے 6 اننگز میں 97 رنز بنائے جن میں ان کا زیادہ سے زیادہ  سکور 29 رہا۔

دوسری جانب انگلینڈ ٹیم کے ڈائریکٹر راب کی نے تصدیق کی ہے کہ دوسرے اور تیسرے ٹیسٹ کے درمیان وقفے کے دوران کھلاڑیوں کی حد سے زیادہ شراب نوشی کی رپورٹس کا جائزہ لیا جائے گا۔