خراٹوں سے روکا کیوں؟ امریکا میں ایک شخص نے پڑوسی کو قتل کردیا

(ویب ڈیسک)امریکی ریاست پنسلوانیا میں بلند خراٹوں کا جھگڑا ایک شخص کے قتل کی وجہ بن گیا۔
غیر ملکی خبر رساں ادارے کے مطابق یہ افسوسناک واقعہ پنسلوانیا کے اپرمورلینڈ ٹاون شپ میں پیش آیا جہاں ایک شہری نے بلند خراٹوں کے باعث ہونے والی زبانی تکرار کے بعد اپنے پڑوسی کی جان لے لی،پولیس کے مطابق 62 سالہ رابرٹ والس کا تیز آواز میں خراٹوں کے باعث کئی عرصے سے اپنے پڑوسی 55 سالہ کرسٹوفر سے جھگڑا چل رہا تھا، کرسٹوفر کے خراٹوں کی آواز والس کے گھر کی دیوار کے باوجود واضح سنی جاتی تھی، رابرٹ نے کرسٹوفر کی خراٹوں سے تنگ آکر پولیس کو متعدد بار کالز بھی کیں۔
پولیس کے مطابق کرسٹوفر نے بتایا کہ واقعے کے روز وہ اپنے گھر میں کھانا کھارہا تھا جب رابرٹ والس کھڑکی کی سکرین ہٹا کر اندر داخل ہوا ، رابرٹ اور اس کے درمیان ہوئی تلخ کلامی کے دوران رابرٹ نے مجھے ڈرایا یا دھمکایا بھی نہیں تھا، وہ جھگڑے کو ختم کرنا چاہتا تھا جس کیلئے اس نے مجھے خراٹوں کو کم کرنے کیلئے ناک کی سرجری کیلئے اپنے پاس سے رقم ادا کرنے کی آفر بھی کی تھی لیکن مجھے یہ دھوکا لگا تھا اس لیے میں نے رابرٹ کو چاقو مار کر اس کا قتل کردیا۔
پولیس کے مطابق گزشتہ ہفتے جھگڑے کے بعد کرسٹوفر کی جانب سے پولیس کو کال کی گئی تھی، پولیس جب جائے وقوعہ پر پہنچی تو رابرٹ اور کرسٹوفر کو چاقو کے وار سے زخمی پایا، بعد ازاں رابرٹ اسپتال میں زخموں کی تاب نہ لاتے ہوئے دم توڑ گئے۔

یہ بھی پڑھیں: پنجاب اسمبلی کے حلقہ پی پی 149 سے مزید 2 آزاد امیدوار دستبردار ہو گئے