ایف آئی اے نے کینیڈین پاسپورٹ چھپا کر بیرون ملک جانے کی کوشش ناکام بنادی

(ویب ڈیسک ) ایف آئی اے امیگریشن کی سیالکوٹ انٹرنیشنل ایئرپورٹ پر کارروائی کرتے ہوئے کینیڈین پاسپورٹ چھپا کر بیرون ملک جانے کی کوشش ناکام بنادی۔

ترجمان ایف آئی اے کا کہنا تھا کہ عمرہ کے بہانے سفر کرنے والا مسافر جنید علی سے سامان کی تلاشی میں ڈائری سے کینیڈین پاسپورٹ برآمد کر لیا گیا، مسافر نے بڑی مہارت سے ڈائری کے خفیہ حصے میں کینیڈین پاسپورٹ چھپایا ہوا تھا جبکہ مسافر نے افغان شہری ظاہر ہونے کیلئے جعلی شناختی معلومات استعمال کرنے کی بھی کوشش کی تھی۔

یہ بھی پڑھیں:وزیر اعظم کا سرکاری گاڑیوں سے متعلق نیا حکم جاری

انہوں نے بتایا کہ ایجنٹوں نے 1 کروڑ 50 لاکھ روپے کے عوض کینیڈا پہنچانے کا منصوبہ بنایا تھا، منصوبے کے تحت سعودی عرب پہنچ کر پاکستانی دستاویزات ضائع کرنا اور کینیڈین پاسپورٹ پر کینیڈا داخل ہونا تھا۔

ترجمان ایف آئی اے کے مطابق ملزم کو مزید قانونی کارروائی کیلئے ایف آئی اے کمپوزٹ سرکل سیالکوٹ کے حوالے کر دیا گیا ہے جبکہ گرفتار ملزم سے مزید تفتیش جاری ہے۔