29اگست۔ پی ڈی ایم کا جلسہ نئی تاریخ رقم کرےگا۔ شہباز شریف 

  (24نیوز)پاکستان مسلم لیگ (ن)کے صدر میاں شہباز شریف نے کہا ہے کہ 29اگست کو کراچی میں ہونے والا پی ڈی ایم کا جلسہ ایک نئی تاریخ رقم کرے گا ۔کارکن جلسے کی کامیابی کے لئے عوام سے رابطے میں رہیں اور تمام اتحادی جماعتوں سے مشاورت کا سلسلہ جاری رکھا جائے ۔
ان خیالات کا اظہار انہوں نے رکن پنجاب اسمبلی رانا مشہود ،مسلم لیگ (ن) کیماڑی کے صدر حاجی صالحین تنولی ،جنرل سیکرٹری رانا محمد وارث اور مسلم لیگ (ن)سندھ کے نائب صدر خواجہ غلام شعیب سے ملاقات کے دوران کیا۔
 ملاقات میں 29اگست کو کراچی میں ہونے والے پی ڈی ایم کے جلسے کے حوالے سے مشاورت کی گئی ۔مسلم لیگی رہنماو¿ں نے پارٹی صدر جلسے کی تیاریوں کے حوالے سے بریفنگ دیتے ہوئے بتایا کہ پی ڈی ایم کے جلسے کے حوالے سے عوام میں جوش و خروش پایا جاتا ہے ۔عوام پی ٹی آئی کی پالیسیوں سے نالاں ہیں اور جلد اس حکومت سے چھٹکارا حاصل کرنا چاہتے ہیں ۔
شہباز شریف نے کہا کہ کراچی ہمیشہ سے جمہوریت پسند قوتوں کا گڑھ رہا ہے ۔29اگست کو ہونے والا جلسہ پی ٹی آئی کی ناجائز حکومت پر ایک کاری ضرب ثابت ہوگا ۔انہوںنے لیگی رہنماو¿ں کو ہدایت کی کہ جلسے کی کامیابی کے لیے عوامی رابطہ مہم کو مزید تیز کیا جائے اور اتحاد ی جماعتوں کے ساتھ مشاورت کا سلسلہ جاری رکھتے ہوئے جلسے کی کامیابی کو یقینی بنایاجائے ۔
یہ بھی پڑھیں۔مرضی کا گانا نہ لگنے پر دلہن کا حیرا ن کن اقدا م ۔۔ویڈیو وائرل