لاہور ہائیکورٹ ؛عید الاضحیٰ کی چھٹیوں کے شیڈول میں جزوی تبدیلی 

(ملک اشرف) لاہور ہائیکورٹ نے عید الاضحیٰ کی چھٹیوں کے شیڈول میں جزوی تبدیلی کر دی،​چیف جسٹس عالیہ نیلم کی منظوری سے باقاعدہ نوٹیفیکیشن جاری کر دیاگیا۔

نوٹیفکیشن کے مطابق ​پنجاب کی عدالتوں میں عید الاضحیٰ کی تعطیلات اب 26 مئی سے 28 مئی تک ہوں گی،​چھٹیاں منگل، بدھ اور جمعرات (26 تا 28 مئی) کو ہوں گی۔

​پہلے سے طے شدہ 27 اور 28 مئی کی چھٹیوں کے شیڈول میں ترمیم کر دی گئی،​ترمیم شدہ شیڈول کا اطلاق ہائیکورٹ پرنسپل سیٹ سمیت بہاولپور، ملتان اور راولپنڈی بینچز پر ہوگا۔

​پنجاب بھر کی تمام سول اور سیشن عدالتیں بھی 26 سے 28 مئی تک بند رہیں گی،​ایڈیشنل رجسٹرار سروسز خادم حسین نے چیف جسٹس کے حکم پر نوٹیفیکیشن جاری کیا۔

یہ بھی پڑھیں:26سے 31مئی گرج چمک کیساتھ بارشیں، اہم پیش گوئی سامنے آ گئی