فٹبال ورلڈ کپ: افتتاحی میچ میں میزبان قطر کو شکست

(ویب ڈیسک) فیفا فٹبال ورلڈکپ 2022 کے افتتاحی میچ میں ایکواڈور نے میزبان ملک قطر کو 0-2 سے شکست دیدی ۔

تفصیلات کے مطابق پہلا میچ قطر کے شہر الخور کے البیت اسٹیڈیم میں کھیلا گیا جہاں 60 ہزار کا گنجائش والا اسٹیڈیم شائقین سے کھچا کھچ بھرا ہوا تھا،میچ کے آٹھویں منٹ میں ایکواڈور کی ٹیم نے فٹبال کو میزبان قطر کے خلاف گول کیا لیکن میچ ریفری نے فاؤل قرار دیکر  گول مسترد کردیا۔

فاتح ٹیم ایکواڈور کی جانب سے پہلا گول تجربہ کار کھلاڑی اور کپتان اینر ویلنسیا نے کھیل کے 16 ویں منٹ میں پنالٹی کک پر کیا جس کے بعد 31 ویں منٹ میں ایکواڈور نے دوسرا گول بھی کردیا۔

میچ میں وقفے تک اسکور 2 صفر تھا جبکہ دوسرے ہاف میں بھی ایکواڈور کا پلڑا بھاری رہا۔