ویٹ لفٹر، پاور لفٹر نوح بٹ کی نظر اولمپکس پر جم گئی

(24نیوز) مشہور  ویٹ لفٹر اور پاور لفٹر اتھلیٹ نوح بٹ نے ازبکستان میں ڈبل گولڈ  میڈل جیتنے کا سہرا اپنے والدین کے سار باندھا ہے اور کہا ہے کہ ان کی نظر اب اولمپکس پر ہے۔
نوح بٹ نے حال ہی میں ازبکستان کے سونے کے دو  تمغے جیتے ہیں۔ انہوں نے یہ گولڈ میڈل اپنے والدین کے نام کر دیئے۔

ازبکستان مین اپنی فتوحات کے بعد  واپس آ کر  نوح نے اپنے والدین کا تہہ دل سے شکریہ ادا کیا، اور انہیں اپنے کیریئر کے مشکل ترین مراحل میں ان کے ساتھ کھڑے ہونے کا سہرا دیا۔ نوح نے کہا، "اللہ تعالی کے بعد، میرے والدین میری طاقت اور حمایت کا سب سے بڑا ذریعہ ہیں۔ انہوں نے مشکل وقت میں مجھے کبھی بھی مایوس ہونے نہیں دیا اور ہمیشہ مجھے بہترین کارکردگی کے لیے کوشش کرتے رہنے کی ترغیب دی۔"

"ان کی مسلسل حوصلہ افزائی مجھے اپنے ملک، اپنے لوگوں اور اپنے خاندان کے لیے کارکردگی کا مظاہرہ کرنے کے لیے اضافی توانائی اور عزم فراہم کرتی ہے۔ یہ کامیابیاں ان کی قربانیوں اور مجھ پر پختہ یقین کی عکاس ہیں،"  نوح بٹ نے تبصرہ کیا۔

کامن ویلتھ چیمپئن نوح بٹ نے اس بات پر زور دیا کہ ان کی حالیہ کامیابی نے پاکستان کے لیے بین الاقوامی اعزازات لاتے رہنے کے عزم کو مزید تقویت دی ہے۔ انہوں نے اعلیٰ ترین سطح پر مقابلہ کرنے اور بالآخر ملک کے لیے اولمپک گولڈ میڈل حاصل کرنے کے اپنے عزائم کا اعادہ کیا۔میرا حتمی مقصد لاس اینجلس اولمپکس میں پوڈیم کے اوپر کھڑا ہونا اور اپنے ملک کے لیے گولڈ میڈل جیتنا ہے، جس طرح ارشد ندیم نے پاکستان کے انفرادی اولمپک گولڈ میڈلسٹ بن کر تاریخ رقم کی،" انہوں نے مزید کہا۔

یہ بھی پڑھیں:  لبنان میں جنگ بندی ٹوٹ گئی، اسرائیلی حملوں میں حزب اللہ کے 27 افراد جاں بحق