8 فٹ لمبا سانپ قابو کرنے والا شہری ہیرو قرار،جرمانہ بھی عائد کر دیا گیا

(ویب ڈیسک ) امریکی ریاست فلوریڈا میں ایک شہری کو اس وقت ہیرو قرار دیا گیا جب اس نے جنگلی علاقے میں 8 فٹ لمبے خطرناک برمی ازگر کو قابو کر لیا، تاہم بعد میں اسی شخص کو 180 ڈالر جرمانہ بھی جاری کر دیا گیا۔

تفصیلات کے مطابق نیشنل پارک  میں 42 سالہ شہری یاتیر نیتزانی موٹر سائیکل پر سفر کر رہے تھے جب انہوں نے سڑک کے کنارے ایک بڑا ازگر دیکھا۔

نیتزانی کے مطابق یہ ازگر واضح طور پر ایک جانور کو نگل چکا تھا، جس کے بعد انہوں نے اپنی سابقہ سانپ پکڑنے کی مہارت استعمال کرتے ہوئے اسے قابو کر لیا تاکہ پارک کی جنگلی حیات کو نقصان سے بچایا جا سکے۔

 یہ بھی پڑھیں :مرغی کھانا چھوڑ دیں۔۔!پریشان کن خبر سامنے آ گئی

عینی شاہدین کے مطابق شہری نے تقریباً 30 منٹ تک ازگر کو قابو میں رکھا، جس کے بعد پارک رینجرز موقع پر پہنچے۔

تاہم بعد میں حکام نے ان پر بغیر اجازت جنگلی جانور کو ہاتھ لگانے کے الزام میں 180 ڈالر کا جرمانہ عائد کر دیا۔

پارک انتظامیہ کے مطابق وفاقی قوانین کے تحت نیشنل پارک میں جنگلی حیات کو پکڑنے یا سنبھالنے کے لیے خصوصی اجازت نامہ ضروری ہوتا ہے۔

بعد ازاں یہ معاملہ عدالت میں پہنچا، جہاں تکنیکی بنیادوں پر کیس خارج کر دیا گیا اور جرمانہ ختم کر دیا گیا۔

یہ واقعہ سوشل میڈیا پر بھی وائرل ہو گیا ہے، جہاں کچھ لوگ شہری کو ہیرو قرار دے رہے ہیں جبکہ کچھ حکام کے فیصلے پر سوال اٹھا رہے ہیں۔