’بکواس بند کریں، میں ابھی بات نہیں کر سکتا۔‘شیخ رشید نےحریم شاہ کو جھاڑ پلا دی
Stay tuned with 24 News HD Android App
(مانیٹرنگ ڈیسک)پاکستان کی معروف ٹک ٹاکر و اداکارہ حریم شاہ کے فون پر بات کرنے کے اصرار پروزیر داخلہ شیخ رشید احمد نے جھاڑ پلادی۔
تفصیلات کے مطابق حریم شاہ کی جانب سے اپنے سوشل میڈیا اکاؤنٹ انسٹا گرام پر ایک ویب شو کا ٹیزر شیئر کیا گیا جس میں انہوں نے حال ہی میں بطور مہمان شرکت کی تھی۔
ویب شو کے دوران میزبان کی جانب سے حریم شاہ سے پوچھا گیا کہ کیا اُنہیں لگتا ہے کہ اگر ابھی وہ شیخ رشید احمد کو کال ملائیں تو وہ اُن کا فون اٹھا لیں گے، میزبان کے اس سوال پر حریم شاہ نے کہا کہ وہ کوشش کر لیتی ہیں۔
حریم شاہ نے وہیں شو کی شوٹنگ کے دوران شیخ رشید احمد کو کال ملا دی، حریم شاہ کے موبائل میں شیخ رشید احمد کا نمبر ’شیخو‘ کے نام سے محفوظ تھا، حریم شاہ کی جانب سے دوسری فون رنگ موصول ہونے پر شیخ رشید احمد نے کال اٹھا لی۔
View this post on Instagram
شیخ رشید احمد کا اس دوران حریم شاہ سے کہنا تھا کہ وہ انہیں کچھ دیر بعد کال کریں جبکہ حریم شاہ کے اُسی وقت بات کرنے کے اصرار پر شیخ رشید احمد نے حریم شاہ کو ڈانٹ دیا۔
حریم شاہ کا شیخ رشید احمد کو کہنا تھا کہ ’ابھی بات کریں ناں جس کے جواب میں شیخ رشید احمد نے کہا کہ ’بکواس بند کریں، میں ابھی بات نہیں کر سکتا۔‘
یہ بھی پڑھیں: بھارت چمپئینز ٹرافی کیلئے پاکستان آئیگا۔۔؟ بھارتی وزیر کھیل کا اہم بیان سامنے آگیا