اندازہ نہیں تھا ان کا ظرف اتنا چھوٹا ہے، شیر افضل مروت کا سہیل آفریدی سے ہاتھ نہ ملانے کا اعلان

(ویب ڈیسک)شیر افضل مروت نے کہا ہے کہ وہ نہ کبھی سہیل آفریدی کے پیچھے گئے ہیں اور نہ ہی انہیں ایسا کرنے کی ضرورت ہے۔

اپنے ایک بیان میں انہوں نے کہا کہ وہ علی امین گنڈاپور سے ملاقات کے بعد واپس جا رہے تھے کہ اس دوران سہیل آفریدی اور دیگر افراد وہاں موجود تھے۔

میں نہ کبھی سہیل افریدی کے پیچھے گیا ہوں، نہ جاؤں گا، میں نے انہیں کھانے کی دعوت بھی دی، لیکن سہیل افریدی PTI کی سوشل میڈیا سے ڈرتے ہیں۔ آئندہ اب میں ان سے ہاتھ نہیں ملاؤں گا۔
شیر افضل مروت pic.twitter.com/SIiw6jFXal

— Mehwish Qamas Khan (@MehwishQamas) February 17, 2026

 انہوں نے روایت اور اقدار کے تحت سب سے مصافحہ کیا اور چائے و کھانے کی دعوت بھی دی تاہم انہیں اندازہ نہیں تھا کہ ان کا ظرف اتنا چھوٹا ہے۔

شیر افضل مروت کا کہنا تھا کہ سہیل آفریدی پاکستان تحریک انصاف کے سوشل میڈیا سے ڈرتے ہیں اور یہ سمجھتے ہیں کہ اگر وہ علی امین گنڈاپور کے ساتھ بیٹھیں گے تو انہیں تنقید کا سامنا کرنا پڑے گا، انہوں نے مزید کہا کہ آئندہ وہ ان سے ہاتھ نہیں ملائیں گے۔

واضح رہے کہ پارلیمنٹ ہاؤس کے باہر اپوزیشن کے دھرنے میں شیر افضل مروت کی انٹری نے سب جو چونکا دیا تھا، ان کی آمد پر صورتِحال میں اچانک کشیدگی دیکھنے میں آئی جبکہ وزیرِاعلیٰ خیبرپختونخوا سہیل آفریدی شیر افضل مروت کو دیکھ کر کرسی چھوڑ کر چلے گئے تھے۔

یہ بھی پڑھیں:کوئٹہ: سی ٹی ڈی کی کارروائی،8دہشتگرد جہنم واصل، 3اہلکار زخمی

 شیرافضل مروت نے بعد میں میڈیا سے گفتگو میں کہا تھا کہ وہ صرف علی امین گنڈاپور سے ملنے آئے تھے،انہوں نے کہا کہ وہ ان لوگوں کے ساتھ کھڑے ہوتے ہیں جو دوستی نبھانا جانتے ہیں اور بڑے عہدے انسان کو بڑا نہیں بناتے بلکہ بڑا ظرف انسان کو بڑا بناتا ہے۔