پی ایس 88 ملیر میں پیپلز پارٹی کے یوسف مرتضیٰ بلوچ نے سیٹ جیت لی
Stay tuned with 24 News HD Android App
(24نیوز)کراچی میں صوبائی اسمبلی کی نشست پی ایس 88 ملیر پر ہونے والے ضمنی انتخاب کے 92 پولنگ اسٹیشنز کا غیرسرکاری و غیر حتمی نتیجہ سامنے آگیا جس کے مطابق پاکستان پیپلز پارٹی کے یوسف مرتضیٰ بلوچ آگے، مد مقابل امیدواروں کےووٹوں کےتناسب سے ان کی کا میابی یقینی بن چکی ہے۔
تفصیلات کے مطا بق پی پی پی کے امیدوار یوسف بلوچ 19 ہزار 161 ووٹ لے کر آگے ہیں جبکہ ان کے مقابلے میں تحریک انصاف کے امیدوار جان شیر 4 ہزار 470 ووٹوں کیساتھ دوسرے نمبر پر ہیں۔
تحریک لبیک پاکستان (ٹی ایل پی) کے امیدوار کاشف شاہ 3721 ووٹ لے کر تیسرے، متحدہ قومی موومنٹ (ایم کیو ایم) پاکستان کے امیدوار ساجد احمد 2480 ووٹ لے کر چوتھے نمبر پر ہیں۔