راجہ پرویز اشرف سے پہلے کون کون بلا مقابلہ سپیکر منتخب ہوا۔دلچسپ تاریخ

 ( مانیٹرنگ ڈیسک) پیپلز پارٹی کے رکن راجہ پرویز اشرف قومی اسمبلی کے بلا مقابلہ کامیاب ہونیوالے 12 ویں اسپیکر بنے ۔
پارلیمانی تاریخ اس ضمن میں دلچسپ حوالوں سے عبارت ہے ،ذوالفقار علی بھٹو سے پہلے پاکستان کے تمام اسپیکر بلا مقابلہ منتخب ہوتے رہے۔11 اگست 1947 کو دستور ساز اسمبلی نے قائد اعظم کو بلا مقابلہ صدر منتخب کیا، 14 اگست 1948 کو قائد اعظم کے بعد مولوی تمیز الدین دستور ساز اسمبلی کے بلا مقابلہ صدر منتخب ہوئے۔ 12 اگست 1955 کو عبدالوہاب خان بلا مقابلہ اسپیکر بنے ،12 جون 1962 کو مولوی تمیز الدین ایک بار پھر قومی اسمبلی کے بلا مقابلہ اسپیکر بنے۔29 نومبر 1963 کو فضل القادر چودھری کو بلا مقابلہ اسپیکر منتخب کیا گیا، بعد میں عبدالجبار خان متحدہ پاکستان کے آخری بلا مقابلہ اسپیکر تھے۔ذوالفقار علی بھٹو 14 اپریل 1972 کو قومی اسمبلی کے صدر بنے، ان کا مقابلہ سردار شیر باز مزاری نے کیا،بھٹو کے بعد فضل الٰہی چودھری 15 اگست 1972 کو ، صاحبزادہ فاروق علی نے 9 اگست 1973 کو ملک معراج خالد 17 مارچ 1977 کو بلا مقابلہ اسپیکر ز بنے۔مولا بخش سومرو 16 دسمبر 1997 کو بلا مقابلہ اسپیکر بنے۔
یہ بھی پڑھیں۔تحریکِ عدم اعتماد ۔۔ پاکستانیوں کی اکثریت فوج کے کردار کی معترف