امریکی بحری بیٹرے کے انتہائی قریب ایرانی ہیلی کاپٹر کی پرواز۔۔ ویڈیو وائرل۔۔پینٹاگان نےخطرناک واقعہ قرار دیدیا 

(ویب رپورٹ)امریکی دفاعی ادارے پینٹاگان کا کہنا ہے کہ خلیج عُمان میں موجود امریکی جنگی بحری جہاز کے انتہائی قریب ایک ایرانی ہیلی کاپٹر کو پرواز کرتے دیکھا گیا ہے۔ امریکی حکام نے اس پیش رفت کو ’’خطرناک واقعہ‘‘ قرار دیا ہے ۔ایرانی ذرائع ابلاغ میں ایرانی ہیلی کاپٹر کے امریکی بحری جنگی جہاز کے قریب پرواز کرنے کی ویڈیو اور تصاویر شائع کی ہیں۔

#BREAKING @PentagonPresSec says Iranian helicopter approached USS Essex in Sea of Oman & operated in an "unsafe and unprofessional manner," flying approximately 25 yards off port side of Essex at one point as low as about 10 feet off surface of ocean & circled ship 3 times - VOA pic.twitter.com/qer7bvtCb0

— Iran International English (@IranIntl_En) November 15, 2021

العریبہ ٹی وی چینل کی ویب رپورٹ کےمطابق پینٹاگان کے ترجمان جان کربی نے ایک نیوز کانفرنس میں بتایا ہے کہ ایرانی ہیلی کاپٹر کو 11 نومبر کے روز آبنائے عُمان میں امریکی بحری بیڑے "یو ایس ایس ایسکس " جہاز کے قریب پرواز کرتے دیکھا گیا۔ ایرانی ہیلی کاپٹر نے بحری بیڑے سے تقریباً 25 گز کی دوری پر سمندر کی سطح سے 10 گز کی بلندی پر تین مرتبہ پرواز کی۔جان کربی نے بتایا کہ یہ امر خطرناک صورت حال کی جانب بڑھ سکتا ہے۔ ان کا کہنا تھا کہ جب مسلح فورسز اس انداز سے پرواز کرنے لگے تو لا محالا آپ دوسروں کو کشیدگی اور ایک دوسرے کی جانب سے غلط فیصلوں سے متعلق خبردار کیا کرتے ہیں، یہ کسی کے بھی فائدے میں نہیں۔پینٹاگان ترجمان نے مزید کہا ہ کہ ’’اگرچہ یہ معاملہ امن وسلامتی سے ختم ہو گیا، تاہم اس کا مطلب یہ نہیں کہ واقعہ پیشہ وارانہ اور محفوظ تھا، ایسا بالکل بھی نہیں تھا۔

واضح رہے کہ ایرانی سپاہ پاسداران انقلاب نے 11 نومبر کو خلیج عمان میں امریکی بیڑے کے پاس ایرانی ہیلی کاپٹر کی پرواز کے واقعے کاویڈیو کلپ جاری کیا تھا۔ جس میں دیکھا جا سکتا ہے کہ ایرانی ہیلی کاپٹر امریکی بیڑے کے انتہائی قریب پرواز کر رہا ہے۔
یہ بھی پڑھیں:10 سالہ بچی سے زیادتی کرنیوالے ظالم امام مسجد  کو کڑی سزا مل گئی