پی ٹی آئی کے اہم رہنما کی طبیعت ناساز،ہسپتال منتقل

(24نیوز) تحریک انصاف کے اہم رہنما شعیب صدیقی کی طبیعت  ناساز ہو گئی جس کے بعد ان کو  ہسپتال میں داخل کروادیا گیا۔

ذرائع کے مطابق  تحریک انصاف کے اہم رہنما   اور عبد العلیم خان کے قریبی ساتھی  شعیب احمد صدیقی دل کے عارضے میں مبتلا ہوگئے ہیں، انہیں  پنجاب انسٹیٹیوٹ آف کارڈیالوجی میں داخل کروا دیا گیا ، ڈاکٹروں نے شعیب صدیقی کی انجیوپلاسٹی تجویز کی ہے،  پی ٹی آئی رہنما کی انجیوپلاسٹی آج ہوگی۔ذرائع کا کہنا ہے کہ شعیب صدیقی کو آج صبح اچانک سینے میں درد ہونے پر ہسپتال لایا گیا تھا۔

یاد رہے کہ شعیب صدیقی کا شمار  تحریک انصاف کے انتہائی متحرک ارکان میں ہوتا ہے، شعیب صدیقی پی ٹی آئی کے سینئر رہنما اور وزیر خوراک عبد العلیم خان کے انتہائی قریبی ساتھی تصور کئے جاتے ہیں یہ  مرکزی پنجاب کے جنرل سیکرٹری بھی رہ چکےہیں، شعیب صدیقی لاہور کے علاقے گڑھی شاہو سے ماضی میں رکن پنجاب اسمبلی منتخب ہوئے  تھے۔