سینیئر بھارتی اداکارہ اور مشہور رقاصہ 87 برس کی عمر میں چل بسیں

(ویب ڈیسک)بھارتی فلم انڈسٹری کی سینیئر اداکارہ اور مشہور رقاصہ مدھومتی انتقال کر گئیں۔

بھارتی میڈیا کے مطابق مدھومتی بدھ کو اس دنیا سے رخصت ہوئیں۔ ان کی عمر 87 برس تھی۔

مدھومتی 'آنکھیں، 'ٹاور ہاؤس'، 'شکاری' اور 'مجھے جینے دو' جیسی مشہور فلموں میں اپنی جاندار پرفارمنس کے لیے جانی جاتی تھیں۔

مدھومتی نے بھارتی سنیما میں ایک نمایاں مقام حاصل کیا اور برسوں تک اپنی دلکش اداکاری، منفرد رقص کے انداز کے باعث مداحوں کے دلوں پر راج کیا۔

اکشے کمار نے سینیئر اداکارہ کے انتقال پر انہیں خراجِ عقیدت پیش کیا اور مدھومتی کو اپنی پہلی اور ہمیشہ کی استاد  قرار دیا۔ 

My first and forever guru. Everything I know about dance, I learnt at your feet, Madhumati ji. Har ada, har expression mein aapki yaad hamesha saath rahegi. Om Shanti ???? pic.twitter.com/Vo288LSMRZ

— Akshay Kumar (@akshaykumar) October 15, 2025

اکشے نے مدھومتی کیساتھ کئی سال پرانی تصویر اپ لوڈ کرتےہوئے لکھا کہ ' جو کچھ بھی میں نے ڈانس کے بارے میں سیکھا، وہ آپ کے قدموں میں بیٹھ کر سیکھا ، مدھوماتی جی'۔

سینیئر اداکارہ کے انتقال کی خبر سن کر شوبز انڈسٹری سے تعلق رکھنے والی مزید شخصیات نے بھی افسوس کا اظہار کرتے ہوئے خراج عقیدت پیش کیا۔ 

یہ بھی پڑھیں:افسوسناک خبر؛ وزیراعظم کے مشیر اور رکن قومی اسمبلی کے گھر پر دستی بم سے حملہ