سائرہ یوسف کا دوسری شادی کا عندیہ
Stay tuned with 24 News HD Android App
(ویب ڈیسک )معروف اداکارہ سائرہ یوسف نے اپنی پہلی شادی ناکام ہونے کے دو سال بعد دوسری شادی کرنے کا عندیہ دے دیا۔سائرہ یوسف کی پہلی شادی مارچ 2020 میں طلاق پر ختم ہوئی تھی، انہوں نے 2012 میں اداکار شہروز سبزواری سے شادی کی تھی۔سائرہ یوسف کو پہلے شوہر سے ایک بیٹی بھی ہے، جو ان کے ساتھ رہتی ہیں۔
تفصیلات کے مطابق ’فوچیا میگزین‘ سے بات کرتے ہوئے سائرہ یوسف نے جہاں دوسری شادی پر کھل کر بات کی، وہیں انہوں نے شادیوں کے ناکام ہونے پر بھی بات کی مگر انہوں نے سابق شوہر کا ذکر نہیں کیا۔ان کی طلاق کے بعد اگرچہ شہروز سبزواری نے فوری طور پر ہی ماڈل صدف کنول سے شادی کرلی تھی، تاہم سائرہ یوسف نےتاحال شادی نہیں کی۔
لیکن اب طلاق کے ڈھائی سال بعد انہوں نے دوسری شادی کا عندیہ دیتے ہوئے کہا ہے کہ شادی ایک بہترین اور خوبصورت چیز ہے۔
View this post on Instagram
انہوں نے کہا کہ شادی کرتے وقت محبت سے زیاہ اپنی عزت اور حفاظت کا خیال رکھا جانا چاہیے، خواتین کو یہ دیکھنا چاہیے کہ وہ جس شخص سے شادی کر رہی ہیں، ان کے ساتھ باعزت طریقے سے محفوظ رہ سکیں گی یا نہیں؟
انہوں نے یہ بھی کہا کہ شادیوں کے ناکام ہونے کی متعدد وجوہات ہیں اور کسی ایک چیز کو سبب بنا کر شادی جیسے رشتے کو خراب یا برا بھلا کہنا غلط ہے۔
اداکارہ کا کہنا تھا کہ شادی ایک خوبصورت رشتہ اور بہترین چیز ہے، کوئی انسان آخر تنہا زندگی کیوں گزارے اور انہیں یہ منطق سمجھ نہیں آتی کہ کوئی کیوں شادی کے بغیر تنہا زندگی گزارے؟
View this post on Instagram
انہوں نے دوسری شادی سے متعلق پوچھے گئے سوال پر دو ٹوک انداز میں بتایا کہ وہ ضرور دوسری شادی کریں گی، کیوں کہ وہ شادی جیسے مقدس رشتے پر یقین رکھتی ہیں اور وہ اچھا عمل ہے۔
سائرہ یوسف کا کہنا تھا کہ اس وقت تو وہ ماں کے طور پر زندگی گزار رہی ہیں لیکن ایک دن ان کی بیٹی بھی بڑی ہوجائیں گی اور وہ کچھ عرصے بعد ان ذمہ داریوں سے آزاد ہونا شروع ہوں گی۔
انہوں کہا کہ وہ شادی سے متعلق برا نہیں سوچتیں اور اگر ان کےساتھ ایک بار غلط ہوا تو اس کا مطلب یہ نہیں کہ بس وہ اس چیز کو بہانا بنا کر پوری زندگی بیٹھی رہیں۔
اگرچہ انہوں نے دو ٹوک انداز میں اعتراف کیا کہ وہ دوسری شادی کا ارادہ رکھتی ہیں مگر پوچھے جانے کے باوجود انہوں یہ نہیں بتایا کہ انہوں نے شادی کے لیے کوئی شخص پسند کر رکھا ہے یا نہیں؟انہوں نے یہ بھی بتایا کہ اگرچہ وہ شادی کرنا چاہیں گی لیکن شاید وہ فوری طور پر اس کے لیے تیار نہیں اور انہیں اس بات کا علم نہیں کہ وہ فوری طور پر کیوں تیار نہیں؟
تاہم انہوں نے کہا کہ وہ شادی جیسے رشتے پر یقین رکھتی ہیں اور ان کا ایمان ہے کوئی کیوں تنہا زندگی گزارے اور وہ ضرور دوسری شادی کریں گی۔
واضح رہے کہ سائرہ یوسف اور شہروز سبزواری کی اکتوبر 2012 میں شادی ہوئی تھی لیکن فروری 2020 میں دونوں کی طلاق ہوگئی تھی، سائرہ اور شہروز کی ایک بیٹی نوریح ہے۔بعد ازاں مئی 2020 میں شہروز نے ماڈل صدف کنول سے شادی کا اعلان کیا تھا، جوڑے کے ہاں گزشتہ ماہ بیٹی 'زہرا' کی پیدائش ہوئی ہے۔