ویڈیوبنانے کا جنون ، 19 سالہ لڑکی تیز رفتار بائیک سے گر کر ہلاک،دوست کی حالت تشویشناک

(ویب ڈیسک)بھارت میں 19 سالہ لڑکی تیز رفتار بائیک چلاتے ہوئے ویڈیو بنانے کے شوق میں جان سے ہاتھ دھو بیٹھی۔

بھارتی میڈیا کے مطابق یہ خوفناک حادثہ غازی آباد شہر میں پیش آیا جس میں لڑکی اپنی زندگی سے ہاتھ دھو بیٹھی جب کہ اس کا دوست تشویش ناک حالت میں ہسپتال میں داخل ہے۔

پولیس نے بتایا کہ لڑکی کی شناخت اقرا کے نام سے ہوئی اور اس کے ساتھ موٹر سائیکل پر اس کا دوست ہاشمی نامی نوجوان موجود تھا جو ویڈیو بنارہا تھا۔

???? BREAKING

A tragic accident in Ghaziabad a high-speed sports bike crashed into a divider, leading to the death of Ikra.

Reports say Ikra was riding the bike while her friend Hashim was filming a video at the time of the crash. Neither of them was wearing a helmet.

One… pic.twitter.com/fxo9mYASLR

— Rehan_Idrisi (@MR_COOL77777) April 13, 2026

پولیس کے مطابق حادثے سے چند لمحے پہلے ریکارڈ کی گئی ایک ویڈیو سوشل میڈیا پر وائرل ہورہی ہے جس میں  اقرا کو موٹر سائیکل کو تیز رفتاری میں چلاتے دیکھا جا سکتا ہے جب کہ دونوں نے ہیلمٹ بھی نہیں پہنے ہوئے۔ 

یہ بھی پڑھیں:بڑی خوشخبری!حکومت نے ایک اور ہاؤسنگ کالونی کی منظوری دے دی،جانیے کون کون اہل

میڈیا رپورٹس کے مطابق اطلاعات ملتے ہی پولیس اور ریسکیو اہلکار  فوری موقع پر پہنچ گئے اور دونوں کو زخمی حالت میں اسپتال منتقل کیا جہاں ڈاکٹرز کی جانب سے اقرا کو مردہ قرار دے دیا گیا۔

پولیس کا کہنا ہےکہ اقرا 12ویں جماعت کی طالب علم تھی اور پولیس میں بھرتی ہونا چاہتی تھی جب کہ دونوں نوجوان  بغیر بتائے گئے تھے۔