لالیاں میں شدید طوفان ، ایک بچہ جان بحق،مکان اور درخت بھی گر گئے

(ویب ڈیسک)لالیاں شہر میں شدید طوفان آیا اورتھم گیا لیکن ایک بچے کی جان لینے کے ساتھ ساتھ تباہی کی کئی داستانیں چھوڑ گیا۔

تفصیلات کے مطا بق لالیاں کے محلہ احمد آباد میں چھت گرنے سے بچہ جاں بحق جبکہ والدہ شدید زخمی ہو گئی،کانڈیوال روڈ پر بھی درخت گرنے سے مکان تباہ ہو گیا۔

شدید طوفانی ہواؤں اور موسلادھار بارش کے ساتھ ژالہ باری سے جہاں نشیبی علاقے زیر آب ہیں تو وہیں مختلف چھتوں سے سولر پلیٹس بھی اڑ گئی ہیں ،کئی درخت جڑوں سے اکھڑ گئے تو وہیں آبادیوں کے ساتھ درخت ملحقہ مکانوں پر بھی گرے ہیں کئی مکانوں کی دیواریں بھی گرنے سے کافی مالی نقصانات ہوۓ ہیں۔