عمران خان کے بنائے تمام جھوٹے کیسز زمین بوس ہو رہے ہیں،خواجہ آصف

(24 نیوز)وزیر دفاع خواجہ آصف نے منی لانڈرنگ کیس میں شہباز شریف اور حمزہ کی بریت پر کہاہے کہ عمران خان کے بنائے گئے تمام جھوٹے کیسز زمین بوس ہو رہے ہیں۔
سماجی رابطے کی ویب سائٹ ٹوئٹر پر اپنے ٹوئٹ میں خواجہ آصف نے کہاکہ پہلے مریم اب شہباز شریف اور حمزہ، احسن اقبال، کیپٹن صفدر ، ایک ایک کرکے عمران خان کے بنائے تمام جھوٹے کیس زمین بوس ہو رہے ہیںسچ کی فتح ہو رہی ہے، نواز شریف کی بے گناہی روز روشن کی طرح عیاں ہے، انصاف اور قانون کی حکمرانی قائم ہو رہی ہے۔

پہلے مریم اب شہباز شریف اور حمزہ، احسن اقبال، کیپٹن صفدر .. ایک ایک کرکے عمران خان کے بناۓ تمام جھوٹے کیس زمین بوس ھو رہے ھیں سچ کی فتح ھو رہی ھے. نواز شریف کی بے گناہی روز روشن کی طرح عیاں. انصاف اور قانون کی حکمرانی قائم ھو رہی. pic.twitter.com/Dq14r0swbh

— Khawaja M. Asif (@KhawajaMAsif) October 12, 2022

لیگی رہنما نے کہاکہ اگر یہ حالات تھے تو عمران خان شرم حیا کر لیتے اقتدار چھوڑ دیتے، آخری وقت تک اقتدار سے چمٹے رہے، منتیں ترلے کرتے رہے،عمران خان نے حکومت بچانے کیلئے آئین توڑا،ان کا کہناتھا کہ اب بھی ملاقاتیں کرتے ہیں معافیاں مانگتے ہیں اور اقتدار کی بھیک مانگتے ہیں ۔

اگر یہ حالات تھے تو شرم حیا کر لیتے اقتدار چھوڑ دیتے.. آخری وقت تک چمٹے رہے ترلے منتیں کرتے رہے. حکومت بچانے کےلئے آئین توڑا. اب بھی ملاقاتیں کرتے ھو معافیاں مانگتے ھو اور اقتدار کی بھیک مانگتے ھو. pic.twitter.com/xIwrdCN7AC

— Khawaja M. Asif (@KhawajaMAsif) October 12, 2022

یہ بھی پڑھیں: پرویز الٰہی لندن کے جتنے دورے کریں سب ناکام ہونگے،طلال چودھری