کورونا سے مزید 57 افرادجاں بحق۔۔ 1194 نئے مریض  

(24نیوز)کورونا وائرس سے مزید 57 افراد موت کی وادی میں جا پہنچے جس کے بعد اموات کی تعداد 21 ہزار 633 ہوگئی۔ پاکستان میں کورونا کے تصدیق شدہ کیسز کی تعداد 9 لاکھ 39 ہزار 931 ہوگئی جبکہ  1194 نئے مریض سامنے آ گئے۔

 نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گزشتہ 24 گھنٹوں کے دوران ایک ہزار 194 نئے کیسز رپورٹ ہوئے، پنجاب میں 3 لاکھ 43 ہزار 703، سندھ میں 3 لاکھ 27 ہزار 21، خیبر پختونخوا میں ایک لاکھ 35 ہزار 569، بلوچستان میں 26 ہزار 152، گلگت بلتستان میں 5 ہزار 698، اسلام آباد میں 82 ہزار 65 جبکہ آزاد کشمیر میں 19 ہزار 723 کیسز رپورٹ ہوئے۔ملک بھر میں اب تک ایک کروڑ 37 لاکھ 81 ہزار 668 افراد کے ٹیسٹ کئے گئے۔

گزشتہ 24 گھنٹوں کے دوران 35 ہزار 695 نئے ٹیسٹ کئے گئے، اب تک 8 لاکھ 75 ہزار 581 مریض صحتیاب ہوچکے ہیں جبکہ 2 ہزار 760 مریضوں کی حالت تشویشناک ہے۔پاکستان میں کورونا وائرس سے مرنے والوں کی تعداد 21 ہزار 633 ہوگئی۔ پنجاب میں 10 ہزار 479، سندھ میں 5 ہزار 220، خیبر پختونخوا میں 4 ہزار 203، اسلام آباد میں 769، بلوچستان میں 292، گلگت بلتستان میں 108 اور آزاد کشمیر میں 562 مریض جان سے ہاتھ دھو بیٹھے۔

یہ بھی پڑھیں: آج موسم کیسا رہے گا۔۔۔؟محکمہ موسمیات نے نوید  سنا دی