پاسدارانِ انقلاب کا کویت میں امریکی اڈے کو نشانہ بنانے کا دعویٰ 

(ویب ڈیسک )پاسدارانِ انقلاب نے کویت میں امریکی اڈے کو نشانہ بنانے کا دعویٰ کیا ہے۔

علاوہ ازیں ایران نے اسرائیل کے بن گوریان ایئرپورٹ پر بھی میزائلوں کی بارش کردی۔

ایرانی میڈیا کی جانب سے جاری کردہ ویڈیو میں یکے بعد دیگرے میزائلوں کو ایئرپورٹ پر گرتے دیکھا گیا جن سے دھماکوں کی آوازیں بلند ہورہی ہیں اور آگ کے شعلے پھیل رہے ہیں۔

ایرانی میڈیا کے مطابق سوائے چند میزائل روکنے کے اسرائیل کا دفاعی نظام ناکام رہا اور پھر سائرن کی آوازیں گونجتی رہیں۔

یہ بھی پڑھیں:افسوسناک واقعہ:آسمانی بجلی نےایک ہی گھر کے 3 چراغ بجھا دئیے

 دوسری جانب امریکا نے بھی ایران کی مکمل شکست تک حملے جاری رکھنے کا اعلان کیا ہے۔

اقوام متحدہ میں ایرانی سفیر امیر سعید ایروانی نے کہا ہے کہ امریکا اور اسرائیل کے حملوں میں 1300 سے زائد ایرانی شہری جاں بحق ہوئے ہیں۔

اپنے بیان میں انہوں نے کہا کہ امریکی اور اسرائیلی حملوں میں اب تک 9 ہزار 669 شہری مقامات تباہ ہوئے۔ تباہ ہونے والے مقامات میں 7 ہزار 943 رہائشی مکانات بھی شامل ہیں۔