اسرائیل کی چار میں سے تین عرب جماعتوں نےمشترکہ امیداروں کی فہرست پر اتفاق کرلیا

(ویب ڈیسک) اسرائیل کی سیاست میں کنیست کے الیکشن سے پہلے ایک ڈرامائی پیش رفت ہوئی ہے کہ 4 میں سے 3 عرب مسلم اسرائیلیوں کی جماعتوں  نے  ایک ساتھ الیکشن میں حصہ لینے کا اعلان کر دیا ہے۔ 

ان تین سیاسی جماعتوں نے چوتھی عرب مسلم اسرائیلی جماعت  رعؤم کو  بھی اپنے اتحاد میں شمولیت کی دعوت دی ہے۔
آج بدھ کے روز عرب اسرائیلی سیاسی جماعت حدش نے اعلان کیا ہے کہ وہ، طال اور بلاد ، تینوں پارٹیاں آئندہ انتخابات سے پہلے ایک "مشترکہ سلیٹ"  (کنیست/ پارلیمنٹ کی رکنیت کے امیدواروں کی مشترکہ فہرست) کو دوبارہ قائم کرنے کے ساتھ آگے بڑھیں گے، جبکہ منصور عباس کی پارٹی "رعام "کے لیے بعد کے مرحلے میں شامل ہونے کے لیے "دروازے کھلے چھوڑیں گے"۔

ٹائمز آف اسرائیل نے آج بدھ کے روز یہ رپورٹ کیا کہ "حداش، طال اور بلاد نے آئندہ انتخابات سے پہلے مشترکہ فہرست کو دوبارہ ترتیب دینے کے ساتھ آگے بڑھنے کا فیصلہ کیا ہے،" پارٹی نے ایک بیان میں کہا ہے کہ گزشتہ انتخابات میں حصہ لینے والی متحدہ عرب سلیٹ کا حوالہ دیتے ہوئے، مزید کہا کہ "تینوں جماعتوں کی "لچک" کے باوجود اور کوشش کے باوجود "رعام کے ساتھ حتمی معاہدہ ابھی تک نہیں ہو سکا"۔

حداش پارٹی کا کہنا ہے کہ وہ "وسیع ترین ممکنہ مشترکہ فہرست" بنانے کے لیے پرعزم ہے، لیکن  وہ "انتظار اور غیر یقینی صورتحال" میں نہیں رہ سکتی۔ اس بیان میں مزید کہا گیا ہے کہ یہاں تک کہ اگر  رعام بالآخر الگ سے چلتی ہے، فریقین زائد ووٹوں کو زیادہ سے زیادہ  استعمال کرنے اور ٹرن آؤٹ کو بڑھانے کے لیے ووٹ شیئرنگ کے معاہدے کی آخر تک تلاش کریں گے۔

یہ بھی پڑھیئے:  جنوبی لبنان میں اسرائیلی فضائی حملوں میں 13 افراد جاں بحق  ہو گئے 

چاروں جماعتوں نے جنوری میں اس سال کے انتخابات سے پہلے مشترکہ سلیٹ کو بحال کرنے کے لیے مل کر کام کرنے کا عہد کرتے ہوئے ایک معاہدے پر دستخط کیے تھے، لیکن بات چیت مہینوں سے تعطل کا شکار رہی۔  عرب جماعتوں کے اتحاد کا معاملہ بنیادی طور پر عباس کے اصرار کی وجہ سے رکا رہا کہ یہ بلاک خالصتاً تکنیکی ہو تاکہ رعام پارٹی کی الیکشن کے بعد  حکومت بنانے کے لئے کسی  دوسرے اتحاد میں شامل ہونے کی صلاحیت کو محفوظ رکھا جا سکے۔

ہداش کے مطابق، تاہم، تینوں جماعتوں نے بالآخر اس مطالبے کو تسلیم کر لیا۔ مذاکرات کے بارے میں علم رکھنے والے ایک ذریعے نے دی ٹائمز آف اسرائیل کو بتایا کہ بالآخر چاروں جماعتوں کے ساتھ سلیٹ میں سب سے بڑی رکاوٹ رعام  Raam کا یہ مطالبہ تھا کہ دوسری جماعتیں کسی بھی ایسی حکومت کی مخالفت یا گرانے کا عہد نہ کریں جس میں رعام شامل ہونے کا انتخاب کرتی ہے۔

رائے عامہ کے اب تک سامنے آنے والے پولز سے پتہ چلتا ہے کہ چار پارٹیوں نے 12-15 سیٹیں جیتی ہیں، اگر یہ پارٹیاں الگ الگ الیکشن لڑیں تو ان کو کم سیٹیں ملیں گی۔

یہ بھی پڑھیں:   سعودی عرب کی اردن، کویت اور بحرین پر ایرانی حملوں کی مذمت