ایک ہزار میزائل ایران کی جانب نشانہ باندھے تیار ہیں:ڈونلڈ ٹرمپ
سعودی ولی عہد شہزادہ محمد بن سلمان اور امریکی صدرکے درمیان ٹیلیفونک رابطہ،مشرق وسطیٰ کی صورتحال پر تبادلہ خیال
Stay tuned with 24 News HD Android App
( 24 نیوز )امریکا کے صدر ڈونلڈ ٹرمپ کا کہنا ہے ایران نے مجھے قتل یا اقدام قتل کی دھمکی پر عمل کیا تو سنگین نتائج ہوں گے۔
انہوں نے کہا کہ ایک ہزار میزائل ایران کی جانب نشانہ باندھے تیار ہیں، اگر ایران نے دھمکی پر عمل کرنے کی کوشش کی تو مزید ہزاروں میزائل داغے جائیں گے، ضرورت پڑنے پر امریکی فوج کو ایران کے تمام علاقے مکمل تباہ کرنے کے احکامات دئیے جا چکے ہیں۔
دوسری جانب سعودی ولی عہد شہزادہ محمد بن سلمان اور امریکی صدرٹرمپ کے درمیان ٹیلیفونک رابطہ ہوا۔
سعودی ولی عہد شہزادہ محمد بن سلمان اور امریکی صدر ٹرمپ کے درمیان رابطے کے دوران دوطرفہ تعلقات اور مشرق وسطیٰ کی تازہ صورتحال پرتفصیلی تبادلہ خیال کیا گیا، امریکا اور ایران کے درمیان جاری مذاکرات پر بات چیت ہوئی۔
یہ بھی پڑھیں:کیا امریکا اور ایران کی کشیدگی ختم ہونے والی ہے؟اہم خبر جانیے
صدر ٹرمپ اورمحمد بن سلمان نے سمندری راستوں اور بحری آمدورفت کے تحفظ کی اہمیت پر زور دیا، دونوں رہنماؤں نے اتفاق کیا ک بین الاقوامی بحری گزرگاہوں کی سلامتی کوہرصورت یقینی بنایا جانا چاہیے۔
دونوں رہنماؤں نے مشرق وسطیٰ میں امن، سلامتی اوراستحکام کے فروغ کیلئے سفارتی کوششوں کی حمایت کا اعادہ کیا۔