آزاد کشمیر الیکشن: ن لیگ نے امیدواروں کی فہرست جاری کردی

(24 نیوز)مسلم لیگ ن نے آزادکشمیر کے انتخابات کیلئے امیدواروں کی فہرست جاری کردی، وزیراعظم آزادکشمیر اگلے انتخابات میں مظفر آباد کے دو حلقوں سے الیکشن لڑیں گے۔
تفصیلات کے مطابق ن لیگ نے آزادکشمیر الیکشن کیلئے پارٹی امیدواروں کے نام جاری کردیئے،مسلم لیگ ن نے 45 حلقوں میں سے 38 پر امیدوار نامزد کردیئے،وزیراعظم آزادکشمیر راجہ فاروق حیدر دو حلقوں سے ٹکٹ حاصل کرنے میں کامیاب ہو گئے،راجہ فاروق حیدر ایل اے 32 اور ایل اے 33 سے انتخابات میں حصہ لیں گے ۔
سپیکر آزادکشمیر اسمبلی شاہ غلام قادر بھی دو حلقوں سے الیکشن لڑیں گے ،شاہ غلام قادر ایل اے 25 اور ایل اے 26 سے الیکشن لڑیں گے ۔
مسلم لیگ ن کے پارلیمانی بورڈ نے آزاد جموں و کشمیر کے انتخابات کیلئے250 امیدواروں کا انٹرویو کیا 9 حلقوں کیلئے امیدوار تاحال فائنل نہ ہوسکے ،ایل اے 22 ،21 اور 28 سے امیدواروں کا اعلان بعد میں کیاجائے گا، اسی طرح ایل اے 41 ،40 ، 34 اور 45 کے ٹکٹ بھی بعد میں جاری کئے جائیں گے ۔

یہ بھی پڑھیں: نواز شریف کی جائیداد نیلامی کیخلاف 3 درخواستیں مسترد