فٹبال ورلڈ کپ: پانچ بار کی فاتح ٹیم ایونٹ سے آﺅٹ، کروشیا سیمی فائنل میں پہنچ گیا

(24 نیوز) قطر میں جاری فٹبال ورلڈ کپ میں کروشیا نے سنسنی خیز مقابلے کے بعد برازیل کو کوارٹر فائنل میں شکست دے دی۔
دونوں ٹیموں کے درمیان میچ مقررہ وقت پر 0-0 سے برابر تھا، اضافی وقت میں بھی دونوں ٹیموں نے 1-1 گول کیا جس کے بعد میچ کو نتیجہ خیز بنانے کیلئے پینالٹی شوٹ آو¿ٹ کا فیصلہ کیا گیا۔
پینالٹی ککس پر کروشیا نے برازیل کو 2۔4 سےشکست دی اور سیمی فائنل میں پہنچ گیا۔
کروشیا سیمی فائنل میں پہنچنے والی پہلی ٹیم ہے، آج دوسرا کوارٹر فائنل ارجنٹائن اور نیدرلینڈز کے درمیان کھیلا جائے گا۔ اس میچ کی فاتح ٹیم اور کروشیا کا مقابلہ 14 دسمبر کو ہوگا۔
خیال رہے کہ کروشیا نے 2018 کے ورلڈ کپ میں بھی فائنل میں جگہ بنائی تھی تاہم اسے فرانس کے ہاتھوں شکست ہوگئی تھی۔
برازیل پانچ بار فیفا ورلڈکپ جیت چکا ہے، آخری ٹائٹل اس نے 2002 میں جیتا تھا جبکہ کروشیا کبھی ورلڈکپ جیتنے میں کامیاب نہیں ہوا۔

یہ بھی پڑھیں: پنجاب اسمبلی تحلیل کرنے کا معاملہ، ارکان نے عمران خان کے بیان کی توثیق کردی