اساتذہ و ملازمین کیلئے خوشخبری ۔۔سپیشل الاؤنس دینے کا نوٹیفکیشن جاری

Dec 09, 2021 | 16:19:PM
اساتذہ و ملازمین کو الائونس دینے کا نوٹیفکیشن جاری
کیپشن: اساتذہ کیلئے خوشخبری فائل فوٹو

(24 نیوز) پنجاب کی جامعات میں اساتذہ و ملازمین کو ڈسپیرٹی الاؤنس دینے کا معاملہ،محکمہ ہائر ایجوکیشن نے گریڈ  1 سے 19 تک جامعات کے اساتذہ و ملازمین کو 25 فیصد سپیشل الاونس دینے کا نوٹیفیکشن جاری کر دیا۔

محکمہ ہائیر ایجوکیشن نے جامعات کے اساتذہ و ملازمین کو 25 فیصد سپیشل الاؤنس دینے کا نوٹیفیکشن جاری کر دیا ہے۔ پنجاب کی جامعات میں گریڈ 1 سے 19 تک کے اساتذہ و ملازمین کو 25 فیصد سپیشل الاؤنس ملے گا۔

اساتذہ و ملازمین کو 2017 کی ابتدائی بنیادی تنخواہ کا 25 فیصد الاؤنس ملے گا۔نوٹیفکیشن کے مطابق معمول سے ہٹ کر اضافی الاؤنس لینے والے اساتذہ و ملازمین سپیشل الاونس کے اہل نہیں ہوں گے۔

یہ بھی پڑھیں: خطرناک وائرس کا پھیلاؤ۔۔ سکول اور نائب کلب بند

ٹینور ٹریک اور مقررہ تنخواہ وصول کرنے والے سپیشل الاؤنس نہیں لے سکیں گے، سپیشل الاؤنس متعلقہ جامعہ کے سینڈیکیٹ و سینیٹ کی منظوری سے مشروط ہو گا۔سرکاری جامعات سپیشل الاونس کی ادائیگی سے متعلق فنڈز کا اہتمام خود کریں گی، سپیشل الاؤنس کی ادائیگی کے لئے جامعات فیسیں نہیں بڑھائیں گی۔

یہ بھی پڑھیں: کترینہ کی شادی میں عدم شرکت۔۔ سلمان خان کی بہن نے بڑا راز کھول دیا